ravaler

Walon (Rifondou)

Etimolodjeye

Do viebe « avaler » avou l’ betchete « ri- » des viebes çou ki dene on mot bodje « val- » ‎(« vå »), avou l’ dobe betchete « ra- » des viebes ey avou l’ cawete di codjowaedje « -er » des viebes.

Prononçaedje

• AFE :
  • diferins prononçaedjes : /ʀa.va.ˈle/ /ʀa.va.ˈlɛ/ (minme prononçaedje cåzu pattavå)
  • prononçaedje zero-cnoxheu : /ʀa.va.ˈle/
• Ricepeures : ra·va·ler

Viebe

Djin et tins	Codjowa
Cåzant Ind. pr. (dji, dj’)	ravale
Atôtchî(s) Ind. pr. (vos, vs)	ravalez
Cåzants Ind. pr. (nos, ns)	ravalans
Rwaitants Ind. pr., nam. (i/il, ele/elle)	ravalnut
Cåzant Ind. fut. (dji, dj’)	ravalrè
Cåzant D.I.E. (dji, dj’)	ravaléve
Cåzant Suddj. pr. (ki dji, dj’)	ravale
pårt. erirece (dj’ a, vos av)	ravalé
Ôtes codjowaedjes	come bouter

ravaler

1. (viebe å coplemint) fé passer dins l' buzea d' avalaedje (åk k' a rexhou pal tchenåle a l' air: mokion, parole).
   • Il a dvou ravaler s' raetchon.
2. (viebe å coplemint) (imådjreçmint) èn nén fé rexhe en parole k' on esteut po dire.
   • Il åreut dvou ravaler çou k' il a dit.
3. (viebe å coplemint) (mot do bastimint) fé aler pus bas (li livea d' on plantchî).
   • Les paveus avént ravalé dtrop l' pavmint; ça fwit k' i n' savént råvler l'aiwe di rnetiaedje foû.
4. (viebe å coplemint) mete pus bas, mete al tere.
   • Ravalez m' ci hopea d' tere la !
   • L' ome riprinda l' truvele
     Po ravaler d' on pî li fosse k' il aveut fwait. — Joseph Vrindts, « Pâhûles rîmês » (1897), "Trop târd", p.61 (fråze rifondowe).
5. (viebe å coplemint) (éndjolike) rinde nén veyåve (on fitchî).
6. (viebe å coplemint) (imådjreçmint) fé passer po rén.
   • Ravaler ses parints, c' est gåter s' vicaedje — Båze di dnêyes di l’ Årdene nonnrece (fråze rifondowe).
7. (v. sins coplemint) aler pus bas.
   • On fjheut des noveas trôs po fé ravaler l' feu al valêye del fåde — Lucyin Mahin, Ène bauke su lès bwès d’ l’ Ârdene (fråze rifondowe).
8. (v. sins coplemint) (mot d’ economeye) baxhî (po des pris).
   • Sabaye si l' mazoute va ravaler.
9. (v. sins coplemint) (mot d’ vindince) baxhî d' cwålité.
   • Après èn an, li cwålité di ç' bire la ravale.
   • Ci cier la ravale dins s' dôyaedje — Lucyin Mahin, Ène bauke su lès bwès d’ l’ Ârdene (fråze rifondowe).
10. (viebe å prono) : Loukîz a : « si ravaler ».
    • Pocwè k' les Walons s' ravalnut tant ? I valèt bén les ôtes.

Ratourneures

1. ravaler s’ raetchon
2. ravaler s’ linwe (Loukîz a : linwe)

Parintaedje

• ravalé (ravalé fitchî) Fr. fichier caché
• ravalêye

Ortografeyes

Après 1900, foû rfondou (Feller, Feller ricandjî, nén Feller) :

• ravaler : C99, S17 p. 167, S107, S109, S117
• ravalè : C8, S36 ^(lére)

E rfondou walon :

• ravaler : R10 ^(lére)

Ôtès ortografeyes (avou des sourdants nén rkinoxhous) :

• ravaler : 235

Li mot n’ est nén dins : S33, R13

Ratournaedjes

avaler ene sacwè k' a ddja rexhou do coir

• Francès : ravaler ^(fr)

èn pus sawè djåzer, di pepete, d' esse djinné Loukîz a : ravaler s’ raetchon

• Almand : schlucken ^(de), verschlucken ^(de), runterschlucken ^(de)
• Francès : ravaler ^(fr) (sa salive)

ristramer al tere (on hopea d' tere)

• Francès : araser ^(fr), rabattre ^(fr)

fé passer po rén, rabaxhî morålmint

• Francès : ravaler ^(fr), rabaisser ^(fr), avilir ^(fr), dénigrer ^(fr)
• Neyerlandès : vernederen ^(nl)

baxhî tot cåzant d' on pris

• Francès : baisser ^(fr), se replier ^(fr), dévaluer ^(fr)

baxhî d' cwålité

• Francès : se dégrader ^(fr), se déprécier ^(fr)

Francès

Prononçaedje

• AFE : /ʁɑ.vɑ.ˈle/

Viebe

ravaler

1. ravaler (mot scrît e francès come e walon, mins prononcî diferinnmint) (avou ça k' tos les sinses ni sont nén les minmes.