kimoenner

Walon (Rifondou)

Alofômes di k(i)- / co-

Plinne cogne Lidje-Årdene (betchete sipotchåve)	Cogne Nameur-Tchålerwè (betchete nén spotchåve)	Sipotcheye cogne Lidje-Årdene
kimoenner	comoenner	cmoenner

Prononçaedje

• AFE :
  • diferins prononçaedjes : /ki.mi.ˈne/ /kɔ.mwɛ̃ʀ.ˈne/
  • prononçaedje zero-cnoxheu : /ki.mwɛ̃.ˈne/
• Ricepeures : ki·moen·ner

Viebe

Djin et tins	Codjowa
Cåzant Ind. pr. (dji, dj’)	k(i)moenne
Atôtchî(s) Ind. pr. (vos, vs)	k(i)moennez
Cåzants Ind. pr. (nos, ns)	k(i)moennans
Rwaitants Ind. pr., nam. (i/il, ele/elle)	k(i)moennnut
Cåzant Ind. fut. (dji, dj’)	k(i)moennrè
Cåzant D.I.E. (dji, dj’)	k(i)moennéve
Cåzant Suddj. pr. (ki dji, dj’)	k(i)moenne
pårt. erirece (dj’ a, vos av)	k(i)moenné
Ôtes codjowaedjes	sipepieus tåvlea

kimoenner (viebe å coplemint)

1. moenner tocosté.
   • I l’ comoenne avou lu pattavå les tchamps. — Motî Gilliard (fråze rifondowe).
   • Il a falou k’ i comoenne si novele comere dins totes les voyes do viyaedje. — Motî Gilliard (fråze rifondowe).
2. (pus stroetmint) moenner po fé viziter.
   • (C’ est lu ki) cmoenne les etrindjirs avå l’ veye. — Motî Forir (fråze rifondowe).
   • I nos a comoenné dins tos les cwéns do viyaedje. — Motî Gilliard (fråze rifondowe).
3. fé schoûter, tot djåzant d’ efants, d’ ovrîs, evnd.
   • Vos efants, des ptitès andjes ki vos comoennîz rén k’ a froncî les sorcis, avént crexhou, ey estént divnous des djonnès comeres et des dmeys djonnomes. — Léon Gengoux (fråze rifondowe).
4. fé ratinde, todi rimete a pus tård, a èn ôte djoû.
   • Dj’ a stou cmoenné lontins dvant d’ esse payî. — Motî Forir (fråze rifondowe).
5. (imådjreçmint) andoûler avou des mintreyes.
   • I cmoenne trop li crapåde, i nel mareyrè nén. — Motî Forir (fråze rifondowe).
6. (viebe å prono) : Loukîz a : « si kimoenner ».

Parintaedje

kimoennaedje, kimoenneu

Sinonimeye

• (moenner tocosté): moenner, kidure, pormoenner, kipormoenner, berweter, kiberweter

Sipårdaedje do mot

w. do Mitan, w. do Levant

Ortografeyes

Divant 1900 :

• kiminé / kminé : E203 ^(lére)
• kuminez : E212 ^(lére)

Après 1900, foû rfondou (Feller, Feller ricandjî, nén Feller) :

• comwinrner : C106
• comwinrnè : C1
• kiminer / k’miner : E1, E170

E rfondou walon :

• kimoenner / cmoenner : R10 ^(lére)

Li mot n’ est nén dins : R13

Ratournaedjes

moenner tot costé Loukîz a : pormoenner

• Francès : conduire ^(fr), promener ^(fr), balader ^(fr)

moenner po fé viziter

• Almand : herumführen ^(fr)
• Francès : guider ^(fr), faire visiter ^(fr)

fé schoûter

• Francès : faire obéir ^(fr), éduquer ^(fr), former ^(fr)

fé ratinde lontins

• Francès : différer ^(fr), reporter ^(fr), remettre ^(fr) (toujours à plus tard, au lendemain), balader ^(fr)

fé ratinde al vude tot andoûlant

• Francès : leurrer ^(fr), mystifier ^(fr), mener en bateau ^(fr)