cåze

Walon (Rifondou)

Etimolodjeye 1

Tayon-bodje latén « causa » (minme sinse).

Sustantif

singulî	pluriyal
cåze	cåzes

cåze femrin

1. pocwè k’ ene sacwè arive.
2. (djustice) pondants et djondants d’ ene afwaire ki passe divant on tribunå.
   • Çoula n’ va nén d’ evoyî on prijhnî sins rén fé saveur so s’ cåze. — Jean-Marie Lecomte, L’ Oûve dès-Apôtes (ratournaedje) (fråze rifondowe).
   • I plaidive todi les målès cåzes. — Motî d’ Vervî (fråze rifondowe).
   • Å tribunå, on voet kécfeye
     On haitî govion d' advocåt
     Plaityî les cåzes les pus måsseyes,
     Po mî fé rimpli si spågne-måyes. — HFbl, (ratourné do francès), 1843, p.10 (fråze rifondowe).
   • I gn a co pus d’ advocåts sins cote ki d’ pårlîs sins cåze. — Arthur Xhignesse, « Bwègnes mèssèdjes » (1905), p.8 (fråze rifondowe).
3. (djustice) disfinse d’ ene ametowe sakî.
   • Dji frè dire a ses ameteus k’ il alexhe dire leu cåze divant vos. — Jean-Marie Lecomte, L’ Oûve dès-Apôtes (ratournaedje) (fråze rifondowe).
4. disfinse d’ èn ideyål di veye.
5. (pus stroetmint) prôpe såme po ène boune ouve.
   • I n' a rin d' trop. Si Dièw mi d'néve li gråce
     Dè rèscontrer 'ne brave djin qui comprind'reût bin m' cåse,
     Et m' prust'reût kékes-êdants po rimpli m' dierin d'vwér,
     Dji pôrè lî fé dè mons, ine mèsse so s' cwérp,
     Aveûr on corbiyård, lî fé soner 'ne pwèsèye :
     Qui si-åme ås-ôtès åmes å cîr seûye anoncèye, — Joseph Vrindts, « Pâhûles rîmês » (1897), "A l'pwète dès incurâbes" (avri 1878), p.55.

Ratourneures

1. c’ est vos l’ cåze u : c’ est vos les cåzes : c’ est d’ vosse fåte.
   • Asteure, vo t’ la mådi del daegn k’ a boevou l’ sonk da t’ fré, et k’ c’ est t'-minme les cåzes. — Lorint Hendschel, Li Djneze (ratournaedje). F. de votre faute.
2. C’ est todi les ôtes les cåzes : dijhêye po onk ki rmet tofer li fåte so ls ôtes. On dit eto, måhonteusmint: T’ irès tchire a l’ eglijhe et ti dirès k’ c’ est les sints.
3. esse cåze di : esse li cåze di.
   • C’ est vos k’ est cåze di m’ måleur.
4. pol cåze : a cåze di ça.
   • Il est foû ritche, mins i n’ est nén pus fir po l’ cåze.
5. si bate po ene måle cåze : disfinde ene crombe idêye.
6. advocåt sins cåzes : sins pratikes a disfinde.
7. prinde fwait et cåze po ene sakî : el disfinde di tote foice.

Parintaedje

• cåzer, cåzmint
• ricåzer

Mots d’ aplacaedje

• cåze di, a cåze di, di cåze di
• cåze ki, a cåze ki, di cåze ki

Ortografeyes

Divant 1900 :

• kâss : E203 ^(lére)
• câz : E177 (1823)
• caûz : E177 (1823)
• câss : E203 (a « dipriî », « grieû »,…) ^(lére)

Après 1900, foû rfondou (Feller, Feller ricandjî, nén Feller) :

• cause : C1, C99, O0, O4
• cåse : E1, E34
• câze : S0
• cåze : S117

E rfondou walon :

• cåze : R9 ^(lére), R10 ^(lére), R11 ^(lére), R13, R15

Li mot n’ est nén dins : S44

Ratournaedjes

pocwè k’ ene sacwè arive

• Inglès : cause ^(he)
• Espagnol : causa ^(he)
• Francès : cause ^(fr)
• Itålyin : causa ^(he)
• Sicilyin : càusa ^(he)

cas el djustice

• Francès : cause ^(fr), cas ^(fr), arguments ^(fr)

Codjowas

cåze

1. indicatif prezintrece, prumire et troejhinme djins do singulî, do viebe « cåzer »
   • Ès djonne lyi cåze bråmint des mizeres.
2. suddjonctif prezintrece, prumire et troejhinme djins do singulî, do viebe « cåzer »
3. kimandeu prezintrece, deujhinme djin do singulî, fôme camaerådrece, do viebe « cåzer »

Etimolodjeye 2

Do viebe « cåzer » (djåzer).

Codjowas

cåze

1. indicatif prezintrece, prumire et troejhinme djins do singulî, do viebe « cåzer ».
   • I cåze todi a s’ feme come a on tchén.
2. suddjonctif prezintrece, prumire et troejhinme djins do singulî, do viebe « cåzer ».
3. kimandeu prezintrece, deujhinme djin do singulî, fôme camaerådrece, do viebe « cåzer ».
   • Bénrade, c’ est l’ eure do dinner, et zeles sont todi cåze et cåze — Gabriyel & Gabriyel.

• 

Ratournaedjes

cåze

• Francès : parle ^(fr)