biyoke

Walon (Rifondou)

Etimolodjeye

Bodje arabe « برقوق » =‎ barqouq, grosse sôre di pronne rapoirtêye del deujhinme croejhåde, k' s' aresta dins les bongårs di Damasse; li mot «biyoke» a lomé djusse ene sôre, foirt noere et bén ronde, pu a todi dpus replaecî li mot pronne, k' a stî wårdé po les pus ptitès sôre, eployeye e l' coujhene.

Sustantif

singulî	pluriyal
biyoke	biyokes

biyoke femrin

1. (frut) sôre di måve frut avou on gros nawea ki vént do biyokî et k' est maweur e moes d' awousse el Walonreye.
   • Dji m' va coscheure li biyokî po fé toumer les biyokes.
2. (pus stroetmint) grosse noere ronde sôre di ç ' frut la.
   • Ele magnive des biyokes Ça lyi shonnéve si bon; Et tot l' djus des biyokes; Coreut avå s' minton. — Bob Dechamps (fråze rifondowe).
3. (imådjreçmint) :
   1. seke des comeres.
      • Dji m' a todi dmandé kimint k' ene noejhete (lomaedje do seke des ptitès båsheles) divneut ene biyoke (Maggy Marenne).
   2. (dins èn arinnoe) mot djinti po-z atôtchî ene pitite båshele.
      • Ådjourdu, mi ptite biyoke, ns alans fé on toû e caroussel. — Bernard Louis (fråze rifondowe).

Ratourneures

1. po des biyokes : po n' rén wangnî, come li deujhinme croejhåde ki n' avna måy a Djeruzalem.
2. flaxhî dvins les biyokes

Parintaedje

biyokî

Mots d’ aplacaedje

biyoke di tchén, biyoke di pourcea

Sinonimeye

pronne

Dizotrins mots

• rinne-glôde
• mirabele
• cwetche

Ortografeyes

Divant 1900 :

• bilock : E212 ^(lére)
• bilok : E177a ^(lére)

Après 1900, foû rfondou (Feller, Feller ricandjî, nén Feller) :

• biloke : C1, E1, E21, E34, O0, O3
• bloce : S24, S117
• buloke : O0, O4
• birloke : C9
• bioke : C1, C8, C9, C13, O0, S0, S117

E rfondou walon :

• biyoke : R10 ^(lére), R13

Ratournaedjes

frut do biyokî, di tolminme kéne sôre di

• Arabe marokin : برقوق ^(ary) = برْقوق =‎ berqoq (singulî trocrece); ببرقوقة ^(ary) = ببرْقوقة =‎ berqoqa (singulî contåve)
• Inglès : plum ^(en)
• Francès : prune ^(fr)
• Neyerlandès : pruin ^(nl)

Waitîz eto

Lijhoz l’ årtike biyoke so Wikipedia