Dji l' a metou a stoele a cawe (ki d' totes manires çou k' î esteut davance esteut cron eneviè l' pådje) po vey.
Po çou k' est d' aloyî les prononçaedjes ås plaeces... dji n' croe nén k' ça soeye li meyeuse plaece.
Ça dvént vite pezant come prezintaedje (loukîz a cåve, portant i n' espepeye waire, et i n' a k' deus prononçaedjes possibes!).
Ene ôte aroke, c' est k' ça serè plin d' trôs, et i n' waire di djins ki sårént l' rimpli (dj' arive a pô près a mete e scrijhaedje AFE a pårti d' çou k' i gn a dins l' hagnon ortografeyes, mins did la a trover l' aroyaedje djeyografike (a on livea pus fén ki "levantrece, coûtchantrece, mîtrin", et co a pårti do limero d' rahouca)) !
I gn a eto des djins ki ça lzî plait bén k' i n' åye nén e-n avant l' dischåyaedje des pårlers mins å contråve ki ça soeye prezinte come ene unité; do côp i n' voerént nén foirt voltî on candjmint po dialectijhî les intrêyes di mots e rfondou...
D' èn ôte costé, c' est des infôrmåcions ki pôrént esse interessantes d' aveur.
Motoit ene pådje a pårt (dizo pådje ou avou on no come "Mape des prononçaedje po « xxxxx »"), al môde des spepieus tåvleas d' codjowaedje.
La i pôreut aveur ene mape eteractive; k' on voerè les prononçaedjes tot passant l' sori.
Avou on modele ki prindreut des tripletes di parametes: prononçaedje AFE, eplaeçmint sol mape, et on loyén eviè èn eredjistrumint s' end a onk).
C' est on nouzome ovraedje di diswalpaedje, mins on côp fwait, ça sereut clapant po vey les racsegnes, ey eto a candjî graficmint (on pôreut imådjiner di rimpli ene djivêye des prononçaedjes possibes, et les contribouweus n' årént k' a clitchî so on prononçaedje AFE ey on pont sol mape po fé ene intrêye (et motoit loyî a on fitchî odio).
Ene mape ALW do 21inme sieke cwè :-)
(li diswalpaedje pôreut siervi po tos les wiccionaires, nén seulmint l' walon; ou co des spepieus årtikes di linwince so les wikipedias)
