vexhåd

Walon (Rifondou)

• 
  Deus vexhåds.

Etimolodjeye

Tayon-bodje latén « vissio » (flaireur, mwaijhe odeur), avou l’ cawete « -åd », ki flaire toltins.

Prononçaedje

• AFE :
  • diferins prononçaedjes : /vɛ.hɔː/ /vɛ.haː/ /vɛ.ʃɔː/ /vɛ.ʃa/ /vɛ.ha/ /vi.ʃoː/ /vi.ʃa/ /vi.hɔː/ /vi.ha/ /vi.çɔː/ /wi.ha/ /fɛ.ʃoː/ /fi.ʃoː/ miersipepieuzmint e l’ notule ALW 8.16; (betchfessî å), (betchfessî xh); (36 prononçaedjes)
  • prononçaedje zero-cnoxheu : /vɛ.ʃɔː/
• Ricepeures : ve·xhåd

Sustantif

singulî	pluriyal
vexhåd	vexhåds

vexhåd omrin

1. (no d’ biesse ås tetes) biesse ås tetes, magneuse di tchå, del nindje des bascoletes, 20 a 30 cm longue, ki l’ sincieus no, c’ est : Mustella putorius putorius
   • Les vexhåd vikèt ttossu bén dins les vîs hangårds et dins les tas d’ schinetes; pa des côps, i vnèt ås oûs, mins s’ n’ atakèt i po dire måy les poyes. — Lucyin Mahin (fråze rifondowe).
   • Mes poyes ni ponèt pus, ubén c’ est on vexhåd ki m’ hape les oûs. — Motî d’ Vervî (fråze rifondowe).
   • Les djins sont ki s’ dismoirçulèt, waeraxhes come des såvadjès biesses, come les vexhåds k’ touwèt totes les poyes do poyî, et ndè mindjî fok ene. — Lucyin Mahin.
   • Dj’ a ene poye a-z acover
     Et l’ vexhåd mel vout haper. — Joseph Calozet (fråze rifondowe).
2. (imådjreçmint)
   1. malén ome, ki tire todi bén s’ plan.
      • N a nén pus vexhåd k’ lu. — Motî d’ Nivele (fråze rifondowe).
   2. (traitant) onk ki vesse mwais, ki flaire, k’ est mannet.
      • A l’ måssî vexhåd !

Ratourneures

1. si fé ploumer come on vexhåd : si fé bate (ås cåtes, evnd) et, sujhanmint, piede tos ses cwårs, et si rtrover come on vexhåd k’ on-z a schoircî.
2. criyî come on vexhåd, ahoûler come on vexhåd, boerler come on vexhåd k’ on lyi a roté so s’ cawe : gueuyî foirt.
3. malén come on vexhåd : foirt malén.
4. noer(e) come on vexhåd : tot(e) mannet(e).
   • Elle a rintré noere come on vexhåd. — Franwal di Cerfontinne (fråze rifondowe)..
5. sinte li vexhåd : flairer (sinti mwais).
6. Bate et bate al Sint Linåd ; Cawe di vî vexhåd : rime-rame des efants ki batént les coxhes di havurna po fé des canabuzes. — Joël Thiry, ramexhnaedje (fråze rifondowe).
7. des iys di vexhåd : des ouys ki mostrèt k’ ene djin est malene.
8. avou del pacyince, on-z atrape bén les vexhåds : djeu d’ mot so les deus sinses di vexhåd.

Parintaedje

• vexhåder, vexhådeu, vexhådlire
• vexhoes

(minme sourdant etimolodjike)

• vesse, vessî, vesseu, vessaedje

Dizotrins mots

furet

Mots vijhéns

(pitits bascolidîs del Walonreye) : marcote / bascolete, furet, erminete, fawene, måte / måtrê

Ortografeyes

Divant 1900 :

• wiha : E203 ^(lére)
• vèchau : C9a ^(lére)

Après 1900, foû rfondou (Feller, Feller ricandjî, nén Feller) :

• fichô : G208 p. 69
• vècha : G208 p. 69
• vihiå : G208 p. 69
• vèhå : G208 p. 69
• vèchô : G208 p. 69
• vèha : G208 p. 69
• vichô : G208 p. 69
• = vęšọ (vèchô) : S38
• wiha : E34
• vèhâ : G208 p. 69
• vicha : G208 p. 69
• viha : G208 p. 69
• vihå : G208 p. 69
• fichau : O4
• fèchau : C8
• fèchô : G208 p. 69
• vichå : G208 p. 69

E rfondou walon :

• vexhåd : R10 ^(lére), R11 ^(lére), R13

Li mot n’ est nén dins : E165 (vèsheû = vexhoe)

Ratournaedjes

emîtrin bascolidî, Mustella putorius Loukîz a : vexhåd

• Almand : Iltis ^(de)
• Inglès : polecat ^(en)
• Espagnol : turón ^(es)
• Francès : putois ^(fr)
• Neyerlandès : bunzing ^(nl)

malén ome

• Francès : rusé ^(fr), renard ^(fr)

flairant ome

• Francès : puant ^(fr), souillon ^(fr)

si fé ploumer come on vexhåd

• Francès : se faire battre à plate couture, se faire dépouiller de sa mise

des iys di vexhåd

• Francès : des yeux malicieux

Waitîz eto

Lijhoz l’ årtike vexhåd so Wikipedia