tchandele

Walon (Rifondou)

Etimolodjeye

Tayon-bodje latén « candere » (broûler), avou l’ cawete « -ele ».

Prononçaedje

• AFE :
  • diferins prononçaedjes : /t͡ʃã.ˈdɛl/ /t͡ʃã.ˈdɛj/; miersipepieuzmint e l’ notule ALW 3.191 .
  • prononçaedje zero-cnoxheu : /t͡ʃã.ˈdɛl/
• Ricepeures : tchan·dele

Sustantif

singulî	pluriyal
tchandele	tchandeles

tchandele femrin

1. (ahesse di manaedje) bordon d' cére avou on fi å mitan (li witche u l' lignoûle), k' on-z esprind å dzeu, po s' loumer.
   • C' est l' anuti. Asteure, dji va distinde li tchandele eyet doirmi, po fini — Lorint Hendschel, So l’ Anuti.
   • A Sint-Mårtén, broûlans ene tchandele,
     Divant mi, li veye si va drovi!
     Dj' a des bons bresses po tote handele,
     Do cour, i s' endè fåt siervi ! — Martin Lejeune, Bultén del Societé d' Lidje, "Dj’a dîh-ût ans", tome 43, p. 143 (fråze rifondowe).
   • Plin come ene basse, påtriyant-st e latén,
     Wiyåme rimonte ses grés come s’ aléve a ene tchapele
     Tot s’ dijhant dvintrinnmint :
     « A ké sint
     Va dju mete ene tchandele ? » — Jules Claskin, « Airs di flûte et autres poèmes wallons », édition critique de Maurice Piron, 1956, « Wiyême li crustin », 1922, p.105-106 (fråze rifondowe).
2. (mot d’ meteyo) baston d' glaece ki pind après on toet, cwand il a rligné, pu rdjalé.
   • Ni suce nén les tchandeles: t' atraprès do må !
   • Ås froeds djoûs d' ivier, vos nos estchantez
     Cwand l' Årdene si couve d' on vwele di påkete ;
     Les tchandeles di glaece d' on rouwå ki glete,
     Sont come des crustås gårnixhant èn åté. — , Tchanson po l’êwe d’Oûte, (1947), p. 157 (fråze rifondowe).

• 
• 
• 
• 
• 

Ratourneures

1. tini l’ tchandele
2. fé loumer ene tchandele
3. divizer avou s’ galant foû tchandele : sins k’ i gn åye ene sakî a costé.
   • C’ esteut bén l’ prumî côp k’ elle aveut ene miete l’ ocåzion di dvizer avou s’ galant foû tchandele — Joël Thiry (fråze rifondowe).

   F. dans l’intimité.

4. beneye tchandele : tchandele beneye a l' eglijhe al tchandleuse, et ki waerantixheut disconte del tonoere.

   F. chandelle bénie.

5. esse come ene tchandele sins metche : esse flåwe (fwebe).
   • Kî est ç' del fåte si nos n' avans stî k' des tchandeles sins metche ? — Louis Sohy (fråze rifondowe).
6. djaler a tchandeles : djaler foirt.

Parintaedje

• tchandlé, tchandloe
• tchandlon
• tchandleuse

Sinonimeye

baston d' cére al witche

• ciedje (cièrje)
• boudjiye

Ortografeyes

Loukîz a : « Tchandeles »

Divant 1900 :

• chandel : E177a ^(lére)
• chandelle : E212 ^(lére)

Après 1900, foû rfondou (Feller, Feller ricandjî, nén Feller) :

• tchandèle : C8, E1, O4, S107 {pluriyal, S109, S117
• tchandèye : S109 {pluriyal, S117

E rfondou walon :

• tchandele : R10 ^(lére), R13

Ratournaedjes

baston d' cére avou ene witche

• Espagnol : candela ^(es)
• Francès : chandelle ^(fr)

baston d' glaece pindou

• Inglès : icicle ^(en)
• Francès : stalactite ^(fr) (de glace)

Waitîz eto

• Lijhoz l’ årtike tchandele (discramiaedje) so Wikipedia
• Lijhoz l’ årtike tchandele so Wikipedia
• Lijhoz l’ årtike tchandele di glaece so Wikipedia