shijhe

Walon (Rifondou)

Etimolodjeye

Bodje vî francès « sise » ‎(« seyance »), lu-minme do latén « sedere ».

Prononçaedje

• AFE :
  • diferins prononçaedjes : /ʃiːʃ/ /siːs/ /siːç/ (betchfessî sh); (betchfessî jh, halcrosse rîlêye)
  • prononçaedje zero-cnoxheu : /ʃiːç/ (waire u nén prononcî insi å 20inme sieke)
• Ricepeures : nén rcepåve

Sustantif

singulî	pluriyal
shijhe	shijhes

shijhe femrin

1. boket d' ene djournêye inte l' anuti et l' moumint k' on va coûtchî.
   • N' est-ç' nén li minme air ki gligntêye,
     Pol payizan come po li rwè?
     Bleuwe aireur et shijhe sitoeleye
     Meynute et nonne ont leu clairté— Martin Lejeune, Bultén del Societé d' Lidje, "Eco todis", tome 34, p. 131 (fråze rifondowe).
2. çou k' on fwait eshonne so ces eures la.
   • Tins des shijhe d' ivier, les omes djouwént ås cwårdjeus, les femes et ls efants al kine. — Gilbert Mottard.

Ratourneures

1. å grand feu, les shijhes e feu
2. aler al shijhe :
   1. aler passer l’ shijhe e-n ene ôte måjhon.
   2. dinltins, aler vey ene djonne feye e s' måjhone, po hanter avou leye.
      • I rvôreut bén aler al shijhe e leu måjhon.
3. del shijhe : li shijhe å long.
   • Et, cwand del shijhe on bea feu d' artifice
     Fjheut blawter Mouze å Paradis des Tchvås,
     Ene bele noere tiesse avou l' vizaedje wainisse
     Aveut po djîsse on blanc lét d' ospitå
     — Louis Lagauche, "Li ptit hierdî" (1926), p. 109 (fråze rifondowe).
   • Mins, del shijhe, cwand s' galant, roslant come ene crissôte,
     El sitind dvins ses bresses
     — Louis Lagauche, "L' inmant", Dicåce å viyaedje, (1947), p. 89 (fråze rifondowe).

Parintaedje

• shijher, shijhler, shijhner
• shijhaedje, shijhlaedje, shijhnaedje
• shijheu, shijhleu, shijhneu
• shijhlêye, shijhnêye
• shijhoe

Sinonimeye

• woeye, woeyeye, screne

Mots vijhéns

• swerêye, swerinne

Omofoneye possibe

• shijh (chife 6)

Rilomêye do mot

Li mot dins on tite di live, di gazete, di soce, di marke

• Shijhes et Paskeyes : ene coirnêye e walon del gazete Vers l'Avenir.

Ortografeyes

Divant 1900 :

• cize : E212 ^(lére)
• sîxhe : viye tchanson, la k’ ça rime avou "tchmijhe"
• cîss : E203 (a Wèzineû) ^(lére)

Après 1900, foû rfondou (Feller, Feller ricandjî, nén Feller) :

• cîze : sicrijhaedje espontané, Wibrin
• sîhye : E200
• sîse : E165
• sîze : E1
• chîche : sicrijhaedje espontané, Poitchresse-e-l'-Årdene
• chîje : C1, C8, C13, O0, O2, S117

E rfondou walon :

• shijhe : R10 ^(lére), R13

Ratournaedjes

boket del djournêye inte l' anuti et l' moumint k' on va coûtchî

• Inglès : evening ^(en)
• Francès : soirée ^(fr)

çou k' on fwait eshonne so ces eures la

• Inglès : eve ^(en)
• Francès : veillée ^(fr)

Waitîz eto

Lijhoz l’ årtike shijhe so Wikipedia