rivierser

Walon (Rifondou)

**Alofômes di r(i)-**
avou ene sipotchåve voyale	avou ene divanceye voyale	sipotcheye cogne
rivierser	ervierser	rvierser

Etimolodjeye

Bodje « viers- » (do tayon-bodje latén « versus » avou l’ betchete « ri- » des viebes.

Viebe

Djin et tins	Codjowa
Cåzant Ind. pr. (dji, dj’)	riviersêye
Atôtchî(s) Ind. pr. (vos, vs)	riviersez
Cåzants Ind. pr. (nos, ns)	riviersans
Rwaitants Ind. pr., nam. (i/il, ele/elle)	riviersêynut
Cåzant Ind. fut. (dji, dj’)	riviersêyrè
Cåzant D.I.E. (dji, dj’)	rivierséve
Cåzant Suddj. pr. (ki dji, dj’)	riviersêye
pårt. erirece (dj’ a, vos av)	riviersé
Ôtes codjowaedjes	come tchicter

rivierser (viebe å coplemint)

fé toumer (ene sitampêye sacwè).
- Li meur a stî rviersé på vint — Motî del Lovire (fråze rifondowe).
- Dji l' a rviersé d' on côp d' pougn — Motî Gilliard (fråze rifondowe).
- Dji vou drovi l' ouxh del såle di bagn et come dins les desséns animés, vos veyoz çk' i s' passe: dji m' ertrouve a l' tere, erviersêye pa l' aiwe — Jean Goffart, Dji m’ lome Mèliye (fråze rifondowe).
- Ene lamponete d' ôle riviersêye;
  Tåve et tcheyires totes dåborêyes,
  Avou cocmwår et djates disseu
  Et l' mår do cafè k' on-z a beu
  — Henri Forir, Satire en vers, 1836 (fråze rifondowe).
- Sol pus hôte tour on mete li banire ;
  On awaite aroufler l' innmi ;
  Et cwand l' innmi riviersêye li bårire,
  Kéne djoye di vey tot s' aplati ! — Martin Lejeune, “ Œuvres lyriques du poète Martin Lejeune” p.156, « So l’ bwérd dèl mér » (fråze rifondowe).
- Ossu, dvant les lårmires do Pot d' Ôr, del croejhete, då Tchén Bleu, li sployon d' nosse Djan manka do rvierser tote ene hiede di cårpeas k' louként tourner, avou des ouys come Sint-Djîle, les polets, les tchapons, les dindons, ås brotches des forneas — Joseph Mignolet, "Vé l’loumîre" (1922) (fråze rifondowe).
fé toumer al tere (ene tchedje).
- Il ont rviersé l' barot d' tcherbon — Motî del Lovire (fråze rifondowe).
- Nos avans rviersé tote li platnêye di canadas — Motî Gilliard (fråze rifondowe).
fé rexhe on likide foû d' on hena.
- Elle a rviersé s' saeyea d' aiwe — Motî del Lovire (fråze rifondowe).
(viebe å prono) : Loukîz a : « si rivierser ».

Parintaedje

riviersaedje, riviesmint

Sinonimeye

fé toumer ene sitampêye sacwè

fé rexhe on likide foû d' on hena

Ortografeyes

Après 1900, foû rfondou (Feller, Feller ricandjî, nén Feller) :

E rfondou walon :

riviersî : FR13 a "renverser"
rivierser : R10 ^(lére)

Li mot n’ est nén dins : R13

Ratournaedjes

rivierser

Francès : renverser ^(fr)