platchter

Walon (Rifondou)

Mot-brut «platch» (brut d' ene mole sacwè ki toume al tere) avou l’ cawete di codjowaedje « -er » des viebes; mot cité dins l’ FEW 9 44a.

Li rnåd platchtêye l' coirbå por lu leyî tchaire s' froumaedje

AFE :
- diferins prononçaedjes : /plat͡ʃ.te/ /plak.te/ /plat.te/
- prononçaedje zero-cnoxheu : /plat͡ʃ.te/
Ricepeures : platch·ter

Djin et tins	Codjowa
Cåzant Ind. pr. (dji, dj’)	platchtêye
Atôtchî(s) Ind. pr. (vos, vs)	platchtez
Cåzants Ind. pr. (nos, ns)	platchtans
Rwaitants Ind. pr., nam. (i/il, ele/elle)	platchtêynut
Cåzant Ind. fut. (dji, dj’)	platchtêyrè
Cåzant D.I.E. (dji, dj’)	platchtéve
Cåzant Suddj. pr. (ki dji, dj’)	platchtêye
pårt. erirece (dj’ a, vos av)	platchté
Ôtes codjowaedjes	come tchicter

vanter ene sakî ådla, po saetchî èn advintaedje di leye.
- Elle a bén dvou platchter po raveur si galant — Motî d’ Vervî (fråze rifondowe).
- I platchtêye todi åtoû do mayeur — Motî d’ Bastogne (fråze rifondowe).
cåzer bråmint po sayî d' baxhî on pris.
- Dji n' såreu tant platchter po on cwårt di franc — Motî d’ Vervî (fråze rifondowe).
gåter (èn efant), esse trop vayant avou.
- Vos platchtez bén trop avou vos efants.
èn nén sawè cwè.
- Li docteur a bén platchté divant d' trover çou k' dj' a.
- Vola torade ene eure ki dj' platchtêye po trover l' rowe des sans-soucis — Georges Alexis (fråze rifondowe).
(v. å coplemint nén direk eployî avou li dvancete « a ») s' ocuper (a des tchitchêyes).
- I fåt todi k' i platchtêye a ene sôre u l' ôte.
- Vola ene eure k' i platchtêye a l' ôrlodje.

(vanter ene sakî ådla, po saetchî des advintaedjes) : flater, froter l' mantche, flåzer, clatchî; miersipepieuzmint e l’ notule ALW 17.141 .
(cåzer bråmint po sayî d' baxhî on pris) : martchoter
(èn nén sawè cwè) : tchicter
(s' ocuper a des tchitchêyes) : burziker; Loukîz a : « burziker »
(gåter èn efant) : gåter; Loukîz a : « gåter »