kimander

Walon (Rifondou)

Etimolodjeye

Tayon-bodje latén « commendare » (minme sinse).

Prononçaedje

AFE :
- diferins prononçaedjes : /kɪ.mɑ̃ː.ˈde/ /kɛ.mɑ̃ː.ˈde/ /kɔ.mɑ̃.ˈde/ /kɔ.mɑ̃ː.ˈdɛ/
- prononçaedje zero-cnoxheu : /ki.mɑ̃ː.ˈde/
Ricepeures : ki·man·der

Viebe

kimander

Djin et tins	Codjowa
Cåzant Ind. pr. (dji, dj’)	kimande
Atôtchî(s) Ind. pr. (vos, vs)	kimandez
Cåzants Ind. pr. (nos, ns)	kimandans
Rwaitants Ind. pr., nam. (i/il, ele/elle)	kimandnut
Cåzant Ind. fut. (dji, dj’)	kimandrè
Cåzant D.I.E. (dji, dj’)	kimandéve
Cåzant Suddj. pr. (ki dji, dj’)	kimande
pårt. erirece (dj’ a, vos av)	kimandé
Ôtes codjowaedjes	come bouter

(viebe å coplemint) acsegnî a des djins çou ki dvèt fé.
- Fåt saveur cmander ses ovrîs. — Motî Forir (fråze rifondowe).
- Kimander des ovraedjes. — Motî Forir (fråze rifondowe).
- Et so l’ aiwe, li pôve målureus,
  Sayive do schoûter, d’ roter droet,
  Come li boket d’ vierna cmandéve. — Joseph Vrindts, ”Vîx Lîge” (1901), p.111, “Li Vîx Batai” (fråze rifondowe).
- Li mwin k’ elzès cmande dispoy des anêyes
  Bouta-st e leu tiesse on gros fi d’ årca. — Jules Claskin, « Airs di flûte et autres poèmes wallons », édition critique de Maurice Piron, 1956, « Marionètes », 1924, p.118-119 (fråze rifondowe).
- Cwand èn ome-å-nkisi cåze a ses posturetes, i lzî djåze come on mwaisse ki cmande ses sudjets. — Lucyin Mahin, ratournant Jean-Marie Lecomte.
(viebe å coplemint) & (v. sins coplemint) (mot d’ militaire) esse li mwaisse di tropes, di sôdårds.
- Kimander ene årmêye, ene kipagneye. — Motî Forir (fråze rifondowe).
- Mins on cmandéve d' on si drole di lingaedje,
  Les côps d' baston ni fjhént ki do rôler ;
  Dji m' anoya, dji souwa come ene catche,
  Et dji rgreta, m' pôve pantalon trawé. — Charles Duvivier de Streel, "Li pantalon trawé" (1849) (fråze rifondowe).
- Kimander ås nûtons, ås macrales et ås loumrotes et n’ nén saveur kimanderkimander s’ cour, fåt ddja assoti. — Anatole Marchal (fråze rifondowe).
(viebe å coplemint) (mot d’ economeye) dimander di fé vni ene martchandeye.
- Et mes amoices, don, k’ estént cmandêyes ? Dj’ end a dji n’ sé cbén d’ sôres. (i drouve si saetch). Loukîz, vola del påsse ; cial, c’ est do sonk, , pwis des viers, di l’ avoenne, des ceréjhes, do froumadje et co deus troes sôres ki dji n’ sai nén mi-minme çou k’ c’ est ! — Henri Simon, « Sètche, i bètche » 1889, (eplaidaedje da Jean Haust e 1936), p.36 (fråze rifondowe).
- Adon cwè, dji vs kimande ene droete pupe ou bén ene cråwêye ? — Paul-Henri Thomsin, ratournant Maigret èt l’danseûse d’å Gai-Moulin, 1994, p. 19 (fråze rifondowe).
- Nén todi come leus cuzéns et cuzenes di Fexhe, ki rwaitént li catalogue ås djouwets d' Sint-Nicolai, et dire platkizak : « Dji cmande tot l' catalogue ! » — Lucyin Mahin, Eviè Nonne (fråze rarindjeye).
(viebe å coplemint) Modele:eco (pus stroetmint) divins ene botike, ene cantene, on restorant.
- Les gåres civikes savèt bén
  Ki dji n' mi hontixh nén
  Cwand i cmandèt
  Li ptit tchiket. — Jean Bury, Joyeux rèspleus (1899), "Cantiniére di gârd-civique" (fråze rifondowe).
(v. sins coplemint) diner èn ôre, fé valeur ene regue, ene lwè.
- Po waitî di mete on halte-la å sacadjaedje des bwès pal fådreye, les Årtchiduks kimandèt e 1617 k' on n' pout pus dressî dipus d' ene moye di fåde pa dmey djournå d' bwès. — Lucyin Mahin, Ène bauke su lès bwès d’ l’ Ârdene, lijhåve so Wikisourd.
(viebe å prono) poleur esse mwaistri.
- Li cour ni s’ kimande nén : c’ est po çoula k’ on l’ lait todi la po do poeve et do sé. — Arthur Xhignesse, « Bwègnes mèssèdjes » (1905), p.6 (fråze rifondowe).

Ratourneures

kimander al baguete
kimander l’ respet ou {{r|kimander l’ reverince.
- Li mwaisse ki cmande li reverince,
  Ås målureus dna l' penitince,
  A l' indjustice, li pilori. — Joseph Vrindts, « Pâhûles rîmês » (1897), "Les deus sèmeus", p.25 (fråze rifondowe).
- Si vwès, come ene muzike, kimandéve ås cårpeas,
  Li respect, l’ reverince. — Joseph Vrindts, ”Vîx Lîge” (1901), p.101, “Pâhûlisté” (fråze rifondowe).
fåt saveur schoûter po saveur kimander