greyî

Walon (Rifondou)

Etimolodjeye

Tayon-bodje latén « craticulum » (pitit glindisse po fé sofri on codåné å feu), lu-minme on raptitixha do tayon-bodje latén « cratem » çou ki dene on mot avou l' bodje « grey- » ey avou l’ cawete « -î ».

Prononçaedje

AFE :
- diferins prononçaedjes :
  - (sustantif) /ɡʀɛ.ˈjiː/ /ɡʀɛ.ˈji/
  - (viebe) /ɡʀɛ.ˈjiː/ /ɡʀɛ.ˈji/ /ɡʀɛ.ˈjɛ/ /ɡʀɛ.ˈje/
- prononçaedje zero-cnoxheu : /ɡʀɛ.ˈjiː/
Ricepeures : gre·yî

Sustantif

singulî	pluriyal
greyî	greyîs

greyî omrin

(ahesse di manaedje) ahesse di fier å bårea k' i gn a å fond do pot del sitouve.
- Li greyî d' nosse sitouve a peté a deus.
- Purdoz les manotes po rsaetchî l' greyî foû d' li stouve — Motî Gilliard, a «manote» (fråze rifondowe).
- Ele veyeut clair assez avou l' blawtinaedje del lantiene di s' viye sitouve pawou k' ele tijhnéve dizo do greyî — Émile Gilliard, Su lès trîs dès Golètes, p. 25) (fråze rifondowe).
(Istwere) båres metowes sol braijhisse la k' on broûléve on codåné.
- Come cwand on cåzéve di sôrcires:
  Kî åreut fwait ça do vî tins
  Esteut seur di mori mårtir
  So on greyî, come sint Lorint — Julien Colson (fråze rifondowe).
- Di dsu l' greyî, el mårtir va disca dmander ås djins k' on rtoûne l' ôte mitan di s' coir ki, po cure, est presse — Bernard Louis, dins «Les sints e leus viyaedjes» (fråze rifondowe).
ledjir glindisse po cure del tchå so on fornea dvant l' ouxh.
tot l' fornea po cure del tchå dvant l' ouxh.
- Cwè çki lyi a passé pol tiesse, å sindik, d' elzî leyî aloumer l' greyî sol rimoye — Chantal Denis (fråze rifondowe).

Parintaedje

greyaedje

(minme sourdant etimolodjike)

graye, grayon

Ratournaedjes

ahesse do fond do pot di stouve

Francès : gril ^(fr)

Viebe

Djin et tins	Codjowa
Cåzant Ind. pr. (dji, dj’)	greye
Atôtchî(s) Ind. pr. (vos, vs)	greyîz
Cåzants Ind. pr. (nos, ns)	greyans
Rwaitants Ind. pr., nam. (i/il, ele/elle)	greynut
Cåzant Ind. fut. (dji, dj’)	greyrè
Cåzant D.I.E. (dji, dj’)	greyive
Cåzant Suddj. pr. (ki dji, dj’)	greye
pårt. erirece (dj’ a, vos av)	greyî
Ôtes codjowaedjes	come waitî

greyî

(viebe å coplemint) cure so des båres di fier.
(v. sins coplemint) broûler.
- Hê, dit-st i Mitan d' Cok k' on aveut fotou e for, dji va greyî, mi; et i n' a yeu ki l' ricours di houkî l' Aiwe di Lesse — Lucyin Mahin, Fåve do Mitan d' Cok (fråze rifondowe).

Ratournaedjes

cure so des båres di fier

Francès : griller ^(fr)

Pårticipe erirece

	singulî	pluriyal
omrin	greyî	greyîs
femrin	greyeye	greyeyes

greyî omrin

Pårticipe erirece omrin do viebe "greyî".
- Tos ses papîs ont stî greyîs dins l' målfeu.

Ratournaedjes

broûlé

Francès : grillé ^(fr)

Addjectif

	singulî	pluriyal
omrin	greyî	greyîs
femrin padrî	greyeye	greyeyes
femrin padvant	greyeye	greyeyès

greyî omrin

cût a setch
- C' esteut do cafè fwait avou do greyî oidje.

Ratournaedjes

cût a setch

Francès : grillé ^(fr)