djama

Walon (Rifondou)

Etimolodjeye

Tayon-bodje latén « geminaculum » (dobe) avou a-divnance del voyale do prumî pî.

Prononçaedje

• AFE :
  • prononçaedje zero-cnoxheu : /d͡ʒa.ma/ (minme prononçaedje pattavå)
• Ricepeures : dja·ma

Sustantif

singulî	pluriyal
djama	djamas

djama omrin

1. (cronolodjeye) djoû d' fiesse, avou l' londi k' est eto fiesse-djoû.
   • Dji rawårdéve come on djama li tins des åbalowes (N. Maréchal).
   • Tot xhuflant, li Pere Noyé a atelé ses gades et tcherdjî ses djodjowes et ses boubounes so li sclide. - Ça vos va, Noyé ? :: Come on djonne ome, Sint-Pire. :: C' est ådjourdu l' grand djama, endon ? — Yves Paquet (fråze rifondowe).
2. bea mousmint, come on nd esteut rabiyî ås grandès fiesses, copurade a Påke.
   • Vos lomez ça des vizreyes, vos, dj' endè freu co mes djama. — Motî d’ Cînè (fråze rifondowe).
   • Mi rôbe di violêye soye, c' est m' djama.
3. dinêye, bistoke…
   1. …k' on dene a ene grande fiesse
   2. …k' on dneut dinltins å curé a Påke et a Noyé.
   3. …ki les påkîs et les påcresses di l' anêye metént al coleke les djoûs d' grande fiesse.
4. boune eurêye k' on fwait a ene grande fiesse.
   • Après l' raploû, on frè on bon djama.
5. (botanike) deus bodjes, deus coxhes, deus fruts k' on crexhou tot près, et ki s' ont aplaké.

• 
  djama do pî di l' årmilire d' Årdene
• 
  djama sol bodje d' ene fawele
• 
  Djama d' biokes
• 
  minms sacwè

Ratourneures

1. Les troes djamas : li djama d' Påke, li ci do l' Pintcosse et do Noyé.
   1. Po n' nén awè må ses dints, i n' faleut pont magnî d' tchå ås troes djamas : viye creyance.
   2. les troes djamas muzulmans : li ptite fiesse (fén do cwareme), li grande fiesse (touwaedje do berå), li mouloud (Noyé moslimî).
2. les cwate djamas : Påke, li Céncweme (li Pintcosse), li Grande Notru-Dame et l' Noyé.
   1. Po n' nén awè må ses dints, on doet djuner ås cwate djamas : viye creyance.
   2. Ele ni reye k' ås cwate djamas : ele reye foirt waire.

Mots vijhéns

• (bistoke dinêye a Påke) : påscaedje
• (eurêye di fiesse) : gasse, dinner d' curé, dinner d' adoråcion, cråsse eurêye

Ortografeyes

Après 1900, foû rfondou (Feller, Feller ricandjî, nén Feller) :

• djama : C9, C13, E1, E21, E34, O0

E rfondou walon :

• djama : R9 ^(lére), R13

Ratournaedjes

grande fiesse avou on londi

• Francès : solennité ^(fr), grande fête ^(fr), fête solennelle ^(fr), grand jour ^(fr); (nén ratournåve direk e francès)

novea mousmint k' on-z a yeu a ene grosse fiesse

• Francès : habit de fête ^(fr), costume ^(fr), toilette ^(fr)

boune eurêye di fiesse Loukîz a : gasse

• Francès : festin ^(fr)

Waitîz eto

Lijhoz l’ årtike djama (discramiaedje) so Wikipedia