cropecinde

Walon (Rifondou)

• 
  Ene cropecinde walone.
• 
  Chema d’ ene pwaire di cropecindes.

Etimolodjeye

Aplacaedje di : Shûte des mots : « crope » (Do viebe « cropi ») + « e » + « cinde », ki crope dins les cindes ; li minme tcherpinte ki « crope-ezès-cindes ».

Prononçaedje

• AFE :
  • diferins prononçaedjes : /kʀɔ.pɛ.ˈsɛ̃t/ /kʀoː.pɛ.ˈsɛ̃t/ /kʀɔ.pɛ.ˈsɛn/ /kʀɔ.pa.ˈsɛn/ /kʀu.pa.ˈsɛt/ miersipepieuzmint e l’ notule ALW 5.4.
  • prononçaedje zero-cnoxheu : /kʀɔ.pɛ.ˈsɛ̃t/
• Ricepeures : cro·pe·cinde

Sustantif

singulî	pluriyal
cropecinde	cropecindes

cropecinde femrin (pus sovint eployî å pluriyal)

1. (ahesse di manaedje) gros blokea di scroufier metou avou on parey a lu dins on feu e l’ aisse po rashir les schenes dissu.
   • Vola ene måjhone do tins des Celes la k’ on-z a rtrové des cropecindes.
2. ôte sistinme di fiers po leyî d’ l’ air dizo on feu di cujhaedje.
3. (imådjreçmint) (omrin et femrin) onk (ene) ki dmeure todi dins s’ måjhone, ki n’ rexhe måy, ki n’ bodje cåzu nén.
   • On n’ si såreut bén poirter, cwand on-z est si cropecinde. — Motî Forir (fråze rifondowe).

Ratourneures

1. il esteut co dins les cropecindes : i n’ esteut nén co å monde.
2. tchaire dins les cropecindes : toumer flåwe.

Parintaedje

• cropi so ses cindes
• cropetere, crope-ezès-cindes
• Loukîz a : « cropi »
• Loukîz a : « cinde »

Sinonimeye

• tchiminå, tchiminon, tchiminea
• djantî, andî
• cropetere

Sipårdaedje do mot

w. do Coûtchant, Basse Årdene (après Måtche), w. do Coûtchant (Nonne)

Ortografeyes

Divant 1900 :

• kropp et lè sainde : E178
• kropet saintt : E184 ^{(sinse 3)}
• krop-è-cintt : E203 ^(lére)
• crop-è-cente : E89 ^{(sinse 3) (lére)}
• krop et seintt : E177b (a « confiteur ») ^{(sinse 3)}
• crop-et-saintt : E177a ^{(sinse 3) (lére)}

Après 1900, foû rfondou (Feller, Feller ricandjî, nén Feller) :

• = ? (croupacède) : G205 p. 15
• = ? (crôpècinde) : G205 p. 15
• crope-è-les-cindes : E34
• cropècinde : C1, C60, C100, G205 (= ?, p. 15)
• croupacène : C8
• cropècène : C13, C60, C100, S117, G205 (= ?, p. 15)
• crope-è-cindes : E1

E rfondou walon :

• cropecinde : R10 ^(lére), R11 ^(lére), R13

Li mot n’ est nén dins : S0, S36, S109

Ratournaedjes

blokea d’ fier po-z astapler l’ bwès dins l’ feu e l’ aisse

• Almand : Feuerbock ^(de)
• Inglès : andiron ^(en)
• Espagnol : morillo ^(es)
• Francès : chenet ^(fr), landier ^(fr), chevrette ^(fr), hâtier ^(fr)
• Portuguès : cão ^(pt)

onk (ene) ki dmeure todi dins s’ måjhone

• Francès : casanier ^(fr)/casanière ^(fr), indolent ^(fr)/indolente ^(fr), nonchalant ^(fr)/nonchalante ^(fr), (f.) cendrillon ^(fr)

il (ele) esteut co dins les cropecindes

• Francès : il (elle) n’était pas encore né(e)

Waitîz eto

Lijhoz l’ årtike cropecinde so Wikipedia.