atoumance

Etimolodjeye

Do viebe « atoumer » avou l’ cawete « -ance ».

Prononçaedje

• AFE :
  • diferins prononçaedjes : /a.tu.mɑ̃s/ /a.tu.mɑ̃ːs/ /a.tu.mãs/ /a.tu.mãːs/
  • prononçaedje zero-cnoxheu : Prononçaedje a radjouter
• Ricepeures : a·tou·mance

Sustantif

atoumance femrin (cåzu todi singulî)

1. cåze k' on n' pout nén predire et k' nole djine n' pout cnoxhe.
   • C' e-st on côp d' atoumance — Motî Forir (fråze rifondowe).
2. estance di deus sacwès k' atoumèt sol minme trevéns.
3. sitouwåcion åtoû d' ene sacwè.
   • Tént ! Djha-t-ele, mi neveuze åreut ele pris l' avance ?
     Ou sereut-ç' lu motoit ? Tént, tént kéne atoumance !— Louis Lagauche, "Mayon" (1923), p. 70 (fråze rifondowe).

Ratourneures

1. d’ atoumance : k' atome sins k' on l' ratind.
2. a l’ atoumance : tchoezixhant sins tuzer, k' atome sins k' on l' ratind
3. si d’ atoumance : adrouve ene fråzlete pô vraisimblåbe, mins possibe.

Sinonimeye

• (cåze k' on n' pout nén predire et k' nole djin n' pout cnoxhe) : astcheyance, hazår, aweure
• (sitouwåcion åtoû d' ene sacwè) : circonstance
• (d' atoumance) : d’ astcheyance, dazår, d’ aweure
• (a l' atoumance) : a l’ astcheyance, a l’ abaye, al viss al vass, a l’ avire, a l’ advene

Ortografeyes

Divant 1900 :

• astoumance : E212 ^(lére)
• atoumanss : E203 ^(lére)

Après 1900, foû rfondou (Feller, Feller ricandjî, nén Feller) :

• atombance : O4
• atoumance : E1, E21, E34, G100
• toumance : E165
• astoumance : C13

Ratournaedjes

cåze k' on n' pout nén predire et k' nole djin n' pout cnoxhe

• Francès : hasard ^(fr)

estance di deus sacwès k' atoumèt sol minme trevéns

• Francès : coïncidence ^(fr)

sitouwåcion åtoû d' ene sacwè

• Francès : circonstance ^(fr)

d' atoumance

• Francès : par hasard ^(fr), accidentellement ^(fr), fortuitement ^(fr)

a l' atoumance

• Francès : au hasard ^(fr), aléatoirement ^(fr)

si d' atoumance

• Francès : si jamais ^(fr), si par hasard ^(fr)