voyaedje

Walon (Rifondou)

Etimolodjeye 1

Tayon-bodje latén « viaticus » (a vey avou les voyaedjes), lu-minme do tayon-bodje latén « via » (voye), çou ki dene on mot avou l’ cawete « -aedje » (des sustantifs fwaits so des nos).

Prononçaedje

• AFE :
  • diferins prononçaedjes : /vɔ.ˈjɛt͡ʃ/ /vɔ.ˈjat͡ʃ/ /vɔ.ˈjaːt͡ʃ/ (betchfessî ae).
  • prononçaedje zero-cnoxheu : /vɔ.ˈjɛt͡ʃ/
• Ricepeures : vo·yaedje

Sustantif

singulî	pluriyal
voyaedje	voyaedjes

voyaedje omrin

1. bodjaedje d’ ene djin å lon.
   • Li veye n’ est k’ on voyaedje. — Motî Forir (fråze rifondowe).
   • Et Mitan d’ Cok rapougne si ptit voyaedje abeye abeye; et zoupzouzoup d’ ene djambe so l’ ôte. — Båze di dnêyes di l’ Årdene nonnrece (fråze rifondowe).

Ratourneures

1. bon voyaedje

Mots vijhéns

• tournêye
• bodjaedje

Ortografeyes

Divant 1900 :

• voïech : E203 ^(lére)

Après 1900, foû rfondou (Feller, Feller ricandjî, nén Feller) :

• voyèdje : E34, S0
• voyadge : E165
• voyâdje : C8
• voyadje : C68, C106, S0, S36 ^(lére), S117
• vwèyâdje : FO94, O4

E rfondou walon :

• voyaedje : R10 ^(lére), R13

Li mot n’ est nén dins : O0, C65, S109, R13

Ratournaedjes

bodjaedje å lon

• Inglès : journey ^(en), travel ^(en)
• Espagnol : viaje ^(es)
• Francès : voyage ^(fr)
• Neyerlandès : reis ^(nl)

Codjowas

voyaedje

1. indicatif prezintrece, prumire et troejhinme djins do singulî, do viebe « voyaedjî »
   • I voyaedje d’ onk a l’ ôte — Motî Toussaint (fråze rifondowe).
   • Li taesson voyaedje tote nute — Lucyin Mahin, Ène bauke su lès bwès d’ l’ Ârdene, p. 263 (fråze rifondowe).
   • I voyaedje bråmint — Motî d’ Bastogne (fråze rifondowe).
2. suddjonctif prezintrece, prumire et troejhinme djins do singulî, do viebe « voyaedjî »
   • Dji vou k’ on voyaedje.
3. kimandeu prezintrece, deujhinme djin do singulî, fôme camaerådrece, do viebe « voyaedjî »
   • Voyaedje la k’ ti vous, ti rtoumrè todi al plantchete.

Etimolodjeye 2

Bodje « voy- », bodje A do viebe « voyî », avou l’ cawete « -aedje ».

Sustantif

singulî	pluriyal
voyaedje	voyaedjes

voyaedje omrin

1. no d’ fijhaedje et no di çou k’ est fwait (accion et si adierça) do viebe « voyî ».
   • Kibén k’ c’ est pol voyaedje d’ on pezant coli ?
   • Kibén po l’ voyaedje des colis inte li Beljike et l’Amerike ? — Båze di dnêyes di l’ Årdene nonnrece (fråze rifondowe).
2. (pus stroetmint) (mot d’ rilidjon) perlinaedje a on sint.
   • Nos avans prometou l’ voyaedje di Hêmixh. — Motî Toussaint (fråze rifondowe).
3. aler et vnowe po tcheryî des djins u des martchandijhes inte deus ponts, todi les minmes.
   • I n’ a pus k’ on voyaedje et tot serè abagué. — Motî Toussaint (fråze rifondowe et rarindjeye).

Ratournaedjes

accion d’ evoyî

• Francès : envoi ^(fr)

perlinaedje Loukîz a : perlinaedje

• Francès : pélèrinage ^(fr)

tcheriaedje inte deus plaeces

• Francès : voyage ^(fr), transport ^(fr), déplacement ^(fr)