roncén

Walon (Rifondou)

Tayon-bodje patwès latén * « runcinus », mot cité dins l’ FEW 10 575b (tchuze d’ ene sorwalonde come rifondowe). Racuzinåve avou l’ francès « roncin ».

AFE :
- diferins prononçaedjes : /ʀɔ̃.ˈsɛ̃/ /ʀɔ̃.ˈsɛɲ/ /ʀɔ̃.ˈsyː/ /ʀɔ̃.ˈsiː/ /ʀɔ̃.ˈsy/ /ʀɔ̃.ˈsi/ /ʀoː.ˈsɛ̃/ (betchfessî én)
- prononçaedje zero-cnoxheu : /ʀɔ̃.ˈsẽ/
Ricepeures : ron·cén

singulî	pluriyal
roncén	roncéns

roncén omrin

måye di tchvå, ki sieve les cavales.
- Il ont sté fé covri leu cavale pal roncén Nicolai — Motî d’ Bastogne (fråze rifondowe).
- Tins ki dj’ tuzéve insi, on grand long tchår, råyî pa deus fornouris roncéns, amonta vier mi ; li tcheron, on grand foirt gayård, m’ aporçuvant, s’ aprepia — Alphonse Nicolet.
- Li rond s’ a alårdji di ptit-z a ptit e montant disk’ a hôteur del tiesse do grand Bayård, li gros roncén del cinse — Joseph Calozet.
- Les djins dè plat payîs, cînsîs, vårlèts, dames et mèskènes, avît qwité leûs téres po z’ad’hinde vè les walles å pas d’leûs pèzants ronsins— Joseph Mignolet, "Li Payîs des Sotês", 1926, p. 32.
(mocreçmint) ome k’ est u ki s’ dit foirt virlixh.
- Li På, c’ esteut on fameus roncén; i rmontéve al tchambe avou l’ Irma tos les djoûs a prandjire.
- Les xhinåds djhént, di vey li ptit mingurlet påpåd ki Miyin aveut yeu sol tård : « Ça arive co bén avou les vîs roncéns » — Auguste Laloux (fråze rifondowe).
- Et l’ roncén aveut rpaxhou l’ cavale ki n’ aveut nén rnaké so l’ avoenne — Jean-Pierre Dumont, Tot tournant les pådjes (fråze rifondowe).

Moenner l’ cavale a roncén : l’ aler fé potchî cwand ele roncene.
peter come on roncén : peter foirt.
On bon roncén pete e pixhant: dijhêye po s’ escuzer tot s’ recrestant cwand on pete divant des ôtes.
Lu côp d’ pî d’ ene cavale ni coixhe djamåy li roncén : response a ene feme ki tape ene lawe conte èn ome.
Kî s’ wåde roncén si rtrove tchivå : Li ci ki n’ fwait pont d’ biestreyes estant djonne divént on vayant ome fwait.

Après 1900, foû rfondou (Feller, Feller ricandjî, nén Feller) :

roncén