narene

Walon (Rifondou)

Etimolodjeye

Calcaedje do francès « narine » (minme sinse), lu-minme d' on tayon-bodje patwès latén * « narosus ».

Prononçaedje

• AFE :
  • diferins prononçaedjes : /na.ˈʀɛn/ (minme prononçaedje cåzu pattavå)
  • prononçaedje zero-cnoxheu : /na.ˈʀɛn/
• Ricepeures : na·rene

Sustantif

singulî	pluriyal
narene	narenes

narene femrin

1. trô d’ nez.
   • Li laid flairant måssî potince,
     Shofele si narene avou s’ doet !— Joseph Vrindts, ”Racontules et råtchåds” (1920); “L’ oficî Boche” (4 di octôbe 1918) (fråze rifondowe).
   • Dji vos l’ dimande gn a-t i å monde ene sacwè d’ pus apetixhant cwand, del plaece d’ a costé, li boune odeur do cafè ki passe dins l’ rampono, vént vo kekyî les narenes. — Eugène Gillain, Li vî coqmwâr, Les Cahiers wallons, lº 25, 1939, p. 422 (fråze rifondowe).
2. (pa stindaedje do sinse) nez.
   • On lzî placreut minme del cråxhe so leus pîs,
     Di l’ ôle sol narene et del cråxhe å drî. — Jean Bury, Joyeux rèspleus (1899), "L’awoureux Colas" (fråze rifondowe).
   • Ouy, nolu n’ tuze pus å bon Diu…
     L’ erlike a l’ mitan d’ on bresse dju,
     Si visaedje a pierdou s’ narene… — Joseph Mignolet, , Li vî bon Diu, Les Cahiers wallons, lº 43, 1943, p. 864 (fråze rifondowe).
   • Trop malåde po mète mi pèneûse narène
     Al cwahante bîhe qui m’bouh’reût so l’costé,
     Dji n’vou nin portant qu’on dèye qui m’vèye pène
     Brogne ås deûs Walons qu’on vint dè flotch’ter
     — Émile Wiket, Fruzions d' cour, p.83.
   • Tchåssîz lyi ene narene
     Sol narene k' il a,
     Ou fjhoz l' blanc d' farene
     Si n' lest nén dedja — Louis Lagauche, "L' inmant", Les Djîles, (1947), p. 127 (fråze rifondowe).
3. (pus stroetmint) nez d' ene biesse.
   • Les tchéns d' tchesse, narene a raeze del tere et cawe dresseye come on ciedje di Påke, shuvèt — Jean-Pierre Dumont (fråze rifondowe).
4. (pa stindaedje do sinse) (camaerådreçmint) djaive.
   • I t' pôreut aploure sol narene ene biscûte come t' end a måy riçû — Albert Maquet (fråze rifondowe).
   • Trop malåde po mète mi pèneûse narene
     Al cwahante bîhe qui m’bouh’reût so l’costé,
     Dji n’vou nin portant qu’on dèye qui m’vèye pène
     Brogne ås deûs Walons qu’on vint dè flotch’ter
     — Émile Wiket, Fruzions d' cour, p.83.

Ratourneures

1. fé di s’ narene
2. fé peter di s’ narene
3. ene narene come on pî di stouve, ene narene come on crapåd ashiou so s’ cou : nez språtchî.
4. aveur ene fene narene.
5. aveur ene flairante narene.
6. pårler del narene.
7. claper l’ ouxh al narene.
8. ene odeur vis hape al narene.
9. i n’ voet nén pus lon ki s’ narene
10. moenner ene sakî pal narene
11. aveur li vint el narene
12. saetchî les viers foû del narene
13. il a raetchî e l’ air et çoula lyi a rtoumé so l’ narene
14. èn nén vey pus lon ki s’ narene

Parintaedje

(minme sourdant etimolodjike)

• nareus
• narineus
• nariveus
• naziå

Mots d’ aplacaedje

• al narene
• al narene di

Sinonimeye

• garene (po rire)
• trô d’ narene (avou narene dins l’ sinse di nez)

Notule d’ uzaedje

Li sustantif « narene » e walon prind sovint l' plaece do mot « nez » e francès. Il est don bråmint pus corant e walon.

Ortografeyes

Divant 1900 :

• nareinn : E177b

Après 1900, foû rfondou (Feller, Feller ricandjî, nén Feller) :

• narène : C1, C13, E1, E34, O0, O2, O3

E rfondou walon :

• narene : R10 ^(lére), R13

Ratournaedjes

trô d' nez

• Francès : narine ^(fr)

nez

• Francès : nez ^(fr)

trogne

• Francès : tronche ^(fr), face ^(fr)

pårler del narene

• Francès : nasiller ^(fr)