nareus

Walon (Rifondou)

Etimolodjeye

Bodje « nar- » ‎(« narene ») avou l’ cawete « -iveus ».

Addjectif

	singulî	pluriyal
omrin	nareus
femrin padrî	nareuse	nareuses
femrin padvant	nareuse	nareusès

nareus omrin

1. k' est rade disgosté divant èn amagnî, divant ene mannesté, ki n' magne nén åk ene miete måssî, ene miete må prezinté, k' a s' cour ki leve cwand il ode ene sacwè ki sint on pô mwais.
   • I n' fåt nén esse nareus po mindjî avou des pourceas pareys.
   • I n' sait vudî m' pot d' tchambe : il est trop nareus.
   • Elle a volou fé on toû ås cabinets; ça lyi a fwait sovni d' ene cavale arabe, si fire et si nareuss ki, po rén, ele n' åreut pixhî udonbén proutlé cwand il esteut monté dsu ses rins — José Schoovaerts (fråze rifondowe).
   • Les vatches, les tchvås crevés, rade on ls a vnou elver,
     Po les djins nén nareuss, ké beas bolis d' trovés ! — Léon Bernus, dins s:L’ istwere del grande inondåcion d’ Tchålerwè, e 1850 (fråze rifondowe).
2. ki n' magne nén did tot.
   • Bén vs estoz des nareus, on si bon boli !
   • Si vos årîz bén fwin, vos n' serîz nén si nareus.
   • Dj' a bevou do laecea d' chamo; cwand on-z a soe, on n' est nén nareus; on mindjreut did tot — Yves Gourdin (fråze rifondowe).
   • I fåt si waire po fé èn ureus
     On boket di pwin, sacwants rizetes
     On cour ki n' fouxhe nén trop nareus — Max-André Frère (fråze rifondowe).
   • Fåt nén esse nareus, séss, li prumî côp k' on-z est priyi en ene famile tatåre, et k' on n' est nén erotiné a ces amagnîs la. — Lucyin Mahin.

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. fé l'nareus : fé l' målåjhey po mindjî.

   on bon pourcea n' est nén nareus di s' batch : dijhêye po ene sakî ki magne did tot, k' a boun apetit.

2. (imådjreçmint) nén nareus : ki n' si fwait nén priyî.
   • Deus munutes divant li fén do 2inme tîme, li referé amerikin xhufele penalti po Norvedje; les Norvedjins, nén nareus, li markèt sins crankyî. — Lucyin Mahin.

   F. allègrement.

   l'apoticåre n' est nén nareus d' ses droukes : elzès vind voltî.

3. mannet, k' a l' nåze ki lyi pind å nez, tot djåzant d' èn efant.
   • Alez s' vos laver, vos, ptit nareus !

   On dit eto: crås-nez, mourgagne.

   F. morveux, malpropre.

Ratourneures

1. nén foirt nareus : ki fwait voltî les mannetès ovraedjes, ki les ôtes ni volnut nén fé.
2. on n’ est nén nareus d’ lu-minme : dijhêye a ene sakî ki n' vout nén poirter si prôpe xhlé evoye, evnd.

Parintaedje

• narene
• nareuzmint
• nareusté
• dinarieus
• nariveus
• narineus

Sinonimeye

k' est rade disgosté

• dinarieus
• nacsiyeus
• nariveus
• narineus

ki n' magne nén did tot

• friyand

Ortografeyes

Après 1900, foû rfondou (Feller, Feller ricandjî, nén Feller) :

• non.reûs, non.reûse : S0
• nâreûs, nâreûse : C1
• nâreû, nâreûse : O4
• nåreûs, nåreûse : E1
• nareûs, nareûse : O0, O3
• nareux : S25
• nareûs : C13, C100, O2, S17, S117
• nâreûs : E1, S27
• nârieûs : C13
• nâreû : S109
• nêreûs, nêreûse : S0
• nareu : C8
• nareùs : O2

E rfondou walon :

• nareus, nareuse : R10 ^(lére), R13

Ratournaedjes

k' est rade disgosté

• Arabe marokin : بعكك ^(ary) = بْعكك =‎ bekak
• Francès : délicat ^(fr), facilement dégoûté ^(fr)

ki n' magne nén did tot

• Francès : difficile à contenter pour la nourriture (nén ratournåve direk e francès)