Sujet sur Uzeu copene:Lucyin/Structured Discussions Archive 1

dene nåcionå(le), nåcionålité, eternåcionå, mins nacionalisse et nacionalijhî ?

• nacionalisse : IP (Chinwès (lingaedje), 2007), Yannick Bauthière (Li Rantoele lº 43, 2007), Pablo (Berdelaedjes, 2011)
• nåcionålisse : Pablo (Nidjeria, 2003), Djôr (Li Rantoele lº 47, 2008), Didier Ocula (rifondou pa vos-minme ?, Li Rantoele lº 67, 2013) Èl-Gueuye-Noere (w:Nåcionålisse walon, 2020)

Dji n' sai nén si l' onk u l' ôte a stî decidé po d' bon.

i fåt todi erîler l' bodje => nåcion. Pol cawete, on a rfondou socialisse (socialisse) (dji croe k' ça a stî aveuri dins l' DTW - ki n' riva nen co, nodidju !!! -) => -alisse

=> nåcionalisse

Li problinme est k' l' uzaedje va puvite po « nåcionålisse » ki po « nåcionalisse ». Ki ci soeye avou l' nombe di djins ki l' uze ubén dins l' tins.

Ossu l' diferince avou nåcion (et tchik et tchak) avou, metans, nacionalisse. Çoula n' est nén podbon clair eto.

A m' shonnance, mi, dji wådreu voltî eyet purade li « å ».

Mi, gn a deus ptitès sacwès ki m' djinnnut (avou 3 N come shonnnut) dvins çou k' est dit :

• li cawete n' est nén -alisse mins -isse, li al vént del femrinne cogne, et c' est bén sins faflote k' on l' sicreye
• li prononçaedje di nåcionalisse, ki dene /nɔː.sjɔ.na.lis/, ni shût nén l' ci d' nåcionålité ki dene /nɔː.sjɔ.nɔː.li.te/, mi dj' prononce purade /nɔː.sjɔ.nɔːl.te/ ; s' on-z est po dire nåcionalisse i nos fåt dire (et scrire) nåcionalité

@Srtxg

Li parintaedje del cawete -ål a ddja ddja stî forbatou, mins sins "grand" acoird. Dji n' ritrove nén si on a scrît çoula ene sadju.

End a ki sont pol disfaflotaedje, a môde di schåle / schalete. End a ki sont po wårder li long å (â, rålmint au), come dins principåté (vî mot, foirt idintitrece) & kiminålté (noûmot, mins ki s' a ddja bén spårdou).

Come kiminålté, dji rfondreu nåcionålté.

ça freut: long DIVANT COSOUNE (dins l' dobe cawete -ålté) et avou fondaedje do L dins -åté (gn a-t i des ôtes mots ki "principåté"?).

Dji sereu po disfafloter DIVANT VOYALE, dj' ô bén, dins l' dobe cawete -alisse et l' tripe (?) cawete -alijhî et s' parintaedje (cwadrupe cawete -alijhaedje).

Dji va scrire å Pablo po vey s' i vout dire li sinne, et acertiner li decidaedje sol DTW (s' i n' est nén capoute).

Dji mete li sudjet bén veyåvmint so les Berdelaedjes:

https://berdelaedje.walon.org/viewtopic.php?p=6976#6976

Dj' a respondou låvå.

C' est l' veur ki ça sereut mi, a m' shonnance, d' fé come "kiminålté" avou "nåcionålté". Do moens avou les nos come dins les egzimpes 2 disk ' a 8 da Reptilien. Fåt aveuri, asteure, s' i gn a nole rujhe avou l' etimolodjeye (dominne wice ki dji n' so nén capåbe d' acertiner bråmint des sacwès).

Totfeye, dji ni comprind nén pocwè vleur daler di "nåcionå" disk' a "nåcionalisse" ?

pocwè vleur daler di "nåcionå" disk' a "nåcionalisse" ?

Sovint, dins l' parintêye, li voyale candje.

schåle => schalete

marinde, tourmint , tcherpinte==> mareder, tourmeter, tcherpeter

copene => copiner

mangon => manguinresse

Si vos vloz vey tos les cis dedja metou insi sol Wiccionaire: https://wa.wiktionary.org/w/index.php?title=Sipeci%C3%A5s:Pages_li%C3%A9es/Modele:acv&limit=500

(end a 189)

Cial, come ça shonne "corant", on a ptchî li w:disfaflotaedje, copurade ki l' DTW po on sfwait mot est asteure "socialisse", avou come disfondowes: socialisse [R13,S117]; sôcialisse [E170,O4,O103,S36]; sociâlisse [S0]; sôciyalësse [LJC]; So 7 motîs et on scrijheu, end k' onk k' a on long A. Et gn a NOLE PåRT: *sociaulisse.

Did la l' idêye di rfonde insi li dobe cawete -alisse.