trope

Walon (Rifondou)

Etimolodjeye

Tayon-bodje patwès latén «troppus» (tropea), lu-minme tayon-bodje vî francike «throp» (« ramonçlaedje »).

Prononçaedje

• AFE :
  • diferins prononçaedjes : /tʀɔp/ /tʀup/ (oyon O.OU)
  • prononçaedje zero-cnoxheu : /tʀɔp/
• Ricepeures : nén rcepåve

Sustantif

singulî	pluriyal
trope	tropes

trope femrin

1. sacwants djins ou biesses ki sont eshonne.
   • I råvyive k' il esteut tot nou dins les broûs, efirdjî avou des grossès tchinnes après ses tchveyes å mitan d' ene trope di Tatårs moussîs come å tins da Djindjisse Xhan — Lucyin Mahin, Vera.
   • C' esteut des vraiyès tropes di shijhneus, il è vneut d' Djuzrè, di Witri, di Traimont , di Bertcheu, d' Ebli et d' co pus lon (V. Enclin).
2. djouweus d' ene dramatike (teyåte).
   • Li trope a priyî les djins di s' taire ene minute po rinde bon dvwer a leu camaeråde di sinne ki vneut d' mori — Michel Piette (fråze rifondowe).
3. sôdårs eshonne.
   • C' est l' disdût d' ene trope ki dischind des vagons avou tot s' bôjhin — Les crwès dins les bruwères (fråze rifondowe).
   • I n' nos dmaneut pus k' ene coirnete del Beldjike puski les tropes bedjes estént respounêyes di l' ôte costé d' l' Izer — Louis Tilkin (fråze rifondowe).
   • Li solo, c' est do plonk fondou, et les troes cwårts di nozôtes î atrapît l' corince. Mågré çoula, tant k' on n' ourit a fé k' a l' trope, on l' ava vite mwaistri. Totes les feyes k' ele si trova båbe a båbe ayou les Francès, ele ava ene diloujhe a. n' nén s' endè fé ene idêye— Dieudonné Salme, Li houlot (fråze rifondowe).
   • A Lidje come ôte pårt, des tropes di djouweus d' farces et d' misteres come on djheut adon, ont dvou mostrer leu sinne so les plaece et ås coines des rowes, po fé rire ou plorer nos vîs peres. — Joseph Mignolet, "Li walon å payîs di Lîdje" (1938), p.29 (fråze rifondowe).

Ratourneures

1. alê hop li boune trope : dijhêye po fé avancî ene trope di djins.
2. Al trope : no d' ene plaece Rotchfoirt.

Parintaedje

• atroplaedje
• atropler
• distroplaedje
• distropler
• ratroplaedje
• ratropler
• tropea
• tropele
• troplete
• troplêye

Sinonimeye

• (djins) : binde (bâne), carabinde, hierdulêye, coplêye
• (biesse) : tropea, hierdulêye

Mots vijjhéns ^(?)

• troke (sacwès k' alèt eshonne)
• ashonna

Dizotrins mots

• keur, årmonreye, crapådreye, caravane, hiede, meute

Dizeutrins mots

• peupe

Omofoneye possibe

trop (trop′)

Ortografeyes

Divant 1900 :

• troup : E203 ^(lére)

Après 1900, foû rfondou (Feller, Feller ricandjî, nén Feller) :

• troupe : C8, C106, E1, E34, O0, O90
• trope : E1, S0

E rfondou walon :

• troupe : R10 ^(lére)

Ratournaedjes

sacwants djins ou biesses ki sont eshonne

• Francès : troupe ^(fr)