sopoirter

Walon (Rifondou)

Etimolodjeye

Do viebe « poirter » avou l’ betchete « so- » des viebes.

Prononçaedje

AFE :
- diferins prononçaedjes : /sɔ.pwɛʀ.ˈte/ /sɔ.pwaʀ.ˈte/ /sy.pwaʀ.ˈte/ /sy.pwaːʀ.ˈte/ /sœ.pwaʀ.ˈte/ /sɔ.pwaʀ.ˈtɛ/ /sy.pwaʀ.ˈtɛ/ /sɛ.pwaʀ.ˈtɛ/ /sy.poːʀ.ˈte/ /sy.puːʀ.ˈte/ /sɔ.ˈpwat/ (betchfessî oi)
- prononçaedje zero-cnoxheu : /sɔ.pwaʀ.ˈte/
Ricepeures : so·poir·ter

Viebe

Djin et tins	Codjowa
Cåzant Ind. pr. (dji, dj’)	sopoite
Atôtchî(s) Ind. pr. (vos, vs)	sopoirtez
Cåzants Ind. pr. (nos, ns)	sopoirtans
Rwaitants Ind. pr., nam. (i/il, ele/elle)	sopoitnut
Cåzant Ind. fut. (dji, dj’)	sopoitrè
Cåzant D.I.E. (dji, dj’)	sopoirtéve
Cåzant Suddj. pr. (ki dji, dj’)	sopoite
pårt. erirece (dj’ a, vos av)	sopoirté
Ôtes codjowaedjes	come wårder

sopoirter (viebe å coplemint)

(fizike) sotni (esse metou dizo ene sacwè eyet l' poirter).
- Mouze sopoite des bateas di disk' a 1350 T. disk' a Djivet.
- C' est l' costé del beye ki va sopoirter les rays di tchmin d' fier — Lucyin Mahin (fråze rifondowe).
edurer.
- C' est on ptit roman da Tur Xhignesse, e 39 courts tchaptrês, ki conte li paskeye d' on djambot ki ses parints lodjèt l' diåle e leu boûsse, mins ki sopoirtèt leus mehins
- Ça l' aida foirt po sopoirter les råtchåds di s' caegnaesse di feme, pus haeyåve ki djamåy
- Li neyant n' våreut i nén mî ki cisse riguilete di vicåreyes ki tofer tournèt a rén, sins conter les djins ki dvèt sopoirter tant des histous
- Les mizeråbes rissintént ene gote d’ exhowe,
  Po vni rawårder a l’ ouxh do vî covint
  Et s’ divizer di tot çou ki sorvént
  Cwand ene maladeye rascråwe les ptitès rowes,
  Et les tourmints ki l’ peupe doet sopoirter. — Joseph Vrindts, ”Vîx Lîge” (1901), p.117, “Li Cholèrâ” (fråze rifondowe).
- Li vicaedje a môde des Payis do Coûtchant n' est possibe ki po 600 a 800 miyons d' djins; houte did ça, li tere n' endè såreut sopoirter les riketes: viyès piles, viyès otos, viyès tévés. — Lucyin Mahin.
(spôrt) ecoraedjî et shuve pattavå (des spôrtifs k' on voet voltî).
- Enute, dj' alans sopoirter les båsheles di Sint-Serwais å volè. — Charles Massaux (fråze rifondowe).
(éndjolike) accepter (ene aplicåcion), tot djåzant d' on sistinme éndjolike.
- Ci nouve modêye ci di Linux-Suse ni sopoite nén les djeus videyos.

Ratourneures

èn pus sopoirter, må sopoirter : èn pus inmer (èn amagnî)
- I sopoirteut todi pus må les coleurs des nintes et des cabus; les pus beas bufteks avént l' air disgostants.