salåde

Walon (Rifondou)

Etimolodjeye

Calcaedje do francès « salade » (minme sinse), lu-minme di l' bodje occitan « salada » (salêye), do tayon-bodje latén « sal » (sé).

Prononçaedje

• AFE :
  • diferins prononçaedjes : /sa.ˈlɔːt/ /sa.ˈlaːt/ /sa.ˈloːt/ /sa.ˈlat/ (betchfessî å)
  • prononçaedje zero-cnoxheu : /sa.ˈlɔːt/
• Ricepeures : sa·låde

Sustantif

singulî	pluriyal
salåde	salådes

salåde femrin

1. (verdeure) sôre di verdeure avou des lådjès vetès foyes, ki l’ sincieus no, c’ est : Lactuca sativa.
   • So ç’ tins la, li feume aléve fouyer èt sarcler lès mwêchès-ièbes intèr lès-êrèyes di salôdes divins l’ corti. Mês nin po lontins : èle rintréve po fé one jate di cafè, sièrvou avou one pitite gote di blanc pèkèt, deûs nicnacs èt one tchike ôs-èfants po rinde do bon corèdje pol deûzime tchèrèye — Fernand Barvaux, Li fènâ mwès do bon vî tins, Singuliers, 1-2009.
   • I vos fåt sgoter l' salåde — Motî d’ Cerfontinne, a « sgoter » (fråze rifondowe et rarindjeye).
2. (plante) pixhelét, {{sla|
   • Vos m' iroz cweri kékes salådes dins l' hourlea.
3. ôte sôte di vete plante di corti, ki s' magne crowe.
4. (mot d’ coujhnåjhe) maxhaedje di crowès verdeures.
   • Vouss co del salåde di tomates ?
5. tchôd amagnî avou des verdeures ey ene såce å lård.
   • Dji vôreu tant rmindjî ene salåde di poreas.
6. (mot d’ militaire) batreye avou toplin des moirts.
   • Vos sovnoz vs bén, Linåd, m’ tcher camaeråde
     Do fameus tins do grand Napoleyon,
     Ki nos rivnéns tot stourdis del salåde
     Ki les Cozakes nos dnît a côps d’ canon ? — Charles Duvivier de Streel, dins Li pantalon trawé (fråze rifondowe).
7. (imådjreçmint) maxhisse di sacwès ramexhnêyes.
   • Evôye, mu dis-dje ! Et, sins crankî,
     Dju v's ènn' afait 'ne fameûse salåde
     — Martin Lejeune.

• 

Mots d’ aplacaedje

• salåde des tchamps
• salåde di blé
• vete salåde
• tchôde salåde
• salåde rûsse

Sinonimeye

• (maxhaedjes di crowès verdeures) : macedwene
• (tchôde salåde) : djote, djotreye, porêye, djårdinêye, stouvêye, ratatouye

Dizotrins mots

orayes di live, doûcete, andive, cabuzete

Ortografeyes

Après 1900, foû rfondou (Feller, Feller ricandjî, nén Feller) :

• salâde : S0, O2
• salade : C1, C62, O3, S107, S109
• salaude : S36 ^(lére)
• salåde : E1, S117
• = salọt (salôde) : S38 (hagnon 72bis)

E rfondou walon :

• salåde : R10 ^(lére), R13

Li mot n’ est nén dins : O4

Ratournaedjes

verdeure ås lådjès vetès foyes, Lactuca sativa

• Arabe : خسّ ^(ar) = خَسّ =‎ khass
• Arabe marokin : خس ^(ary) =‎ khes
• Almand : Lattiche ^(de)
• Inglès : lettuce ^(en)
• Espagnol : lechuga ^(es)
• Finwès : salaatit ^(fi)
• Francès : laitue ^(fr)
• Djaponès : アキノノゲシ属 ^(ja)
• Corêyin : 왕고들빼기속 ^(ko)
• Litwanyin : salota ^(lt)
• Neyerlandès : sla ^(fr), kropsla ^(fr), snijsla ^(fr)
• Portuguès : lactuca ^(pt)
• Suwedwès : sallatsläktet ^(sv)

ôte sôres di vetès plantes di corti, magneyes crowes

• Francès : salade ^(fr)
• Neyerlandès : sla ^(fr)

frisse amagnî ås crowès verdeures

• Arabe marokin : شلادة ^(ary) = شْلادة =‎ chlada
• Espagnol : ensalada ^(es)
• Francès : salade ^(fr), jardinière ^(fr) de légumes

tchôd amagnî

• Francès : étuvée ^(fr) de légumes

maxhisse

• Francès : mosaïque ^(fr), assemblement ^(fr), assortiment ^(fr)

Waitîz eto

• Lijhoz l’ årtike salåde (discramiaedje) so Wikipedia
• Lijhoz l’ årtike salåde ordinaire so Wikipedia
• Lijhoz l’ årtike vete salåde so Wikipedia