sôdård

Walon (Rifondou)

**Dobès rfondowes**
sôdård		sôdår

Bodje itålyin « soldo » (traitmint do sôdård) mot k' a eto dné l' walon «sô», avou l’ cawete « -ård », pal voye do vî lingaedje d’ oyi (vî francès « soude », paymint ås sôdårds).

AFE :
- diferins prononçaedjes : /sõ.ˈdɔːʀ/ /sõ.ˈdaːʀ/ /soː.ˈdɔːʀ/ /soː.ˈdaːʀ/ /sɔ̃.ˈdaːʀ/ /suː.ˈdaːʀ/ /suː.ˈdɔːʀ/ /sɔ.ˈdaːʀ/ (betchfessî ô), (betchfessî å, halcrosse rîlêye)
- prononçaedje zero-cnoxheu : /sõ.ˈdɔːʀ/ ^{aschoûtez lu}
Ricepeures : sô·dård

sôdård omrin

(mot d’ militaire) (no d’ mestî) ome ki va a l' årmêye, et s' bate po s' payis.
- Les sôdårds ont magnî tot l' payis — Motî Forir (fråze rifondowe).
- Les sôdårds ki sont mî poirtant endiront å front po esse replaecîs pa des måhaitîs, ki seront a leu toû, replaecîs pa des pus måhaitis — Les crwès dins les bruwères (fråze rifondowe).
- Vos vs sovnoz do crechef di tos ces gris sôdårds
  Ki dmoréve dins troes plaeces el grande måjhon Widår? — Louis Piron (fråze rifondowe).
(imådjreçmint) coraedjeuse djin.
grosse djåbe d' avoenne (u troes cwate pitites) loyeyes pås påtes, et dressêyes sol tchamp.
- Il ont co des sôdårds d' avoenne.

gn a nole si grande guere k' i ndè schape on sôdård
sôres di sôdårds : simpe sôdård, sôdård a pî (F. fantassin.), sôdård a tchvå (F. soldat de cavalerie.).
sôdård a platene : li ci k' a ene platene (on bouclî) po s' waeranti.
prumî-sôdård : sôdård ki prind l' plaece do coporå, s' il astchait.
intrer dins les sôdårds; roter sôdård, aler sôdård : moussî a l' årmêye.
fé s' tins d' sôdård, fé deus ans d' sôdård : po cwand on fwait s' siervice.
s' egadjî dins les sôdårds : î aler po-z î dmorer, come mestî.
abiyî a sôdård u : moussî a sôdård : avou des mousmints d' l' årmêye so s' dos.
1. aveur on vizaedje come on trô d' cou abiyî a sôdård: laid traitaedje a ene djin.
latén d' sôdård : (linwince) patwès latén djåzé pås sôdårds romins k' a dné des mots k' i gn a ezès romans lingaedjes. F. bas-latin.
On n' fwait nén l' guere so on sôdård près u : on n' arestêye nén l' guere po on sôdård : i n' fåt nén s' discoraedjî al prumire piete.
on mwais sôdård : on schitåd.
F. poltron.
Ké sôdård ! :
1. ké coraedjeus !
2. (tot djåzant årvier): ké couyon.
  F. peureux.
on bon sôdård : dijhêye po ene coraedjeuse feme.