mawe

Walon (Rifondou)

Etimolodjeye

Tayon-bodje vî francike « mauwa », racuzinåve avou l' neyerlandès « mouwe » eyet l' francès « moue »; mot cité dins l’ FEW 16 545a.

Prononçaedje

• AFE :
  • prononçaedje zero-cnoxheu : /maw/ (minme prononçaedje pattavå)
• Ricepeures : nén rcepåve

Sustantif

singulî	pluriyal
mawe	mawes

mawe femrin

1. drole di manire di mostrer s' vizaedje.
   • Dji sai bén k' dj' a-st ene laide mawe — Motî Pirsoul (fråze rifondowe).
   • Waitîz kéne mawe k' i fwait! — Motî Pirsoul (fråze rifondowe).
   • Il a saetchî ene drole di mawe — Motî d’ Cînè (fråze rifondowe).
   • Mins ci-cial, c’ e-st on målignant.
     Disconte l’ åté, sô come ene biesse,
     I fwait des mawes padrî l’ priyesse
     Ki dene li bateme a si efant ! — Joseph Vrindts, ”Vîx Lîge” (1901), p.50, “Li Pèqu’teu” (fråze rifondowe).
   • Dji sera mes pougns et tot lyi fjhant ene laide mawe, dji rmerciya l' ome pol siervûlisté — Jean-Pierre Dumont (fråze rifondowe).
   • L' efant rawåde, avou ene mawe di hisse, el moumint ki l' pa s' va coixhî avou s' raezoe — Mariette Chinon (fråze rifondowe).

Ratourneures

1. fé s’ mawe; fé l’ mawe; fé ene mawe; stinde ene mawe
2. ene mawe come on tchvå d' gobieus: vizaedje ki mostere li penin.
3. ci n' est nén a on vî mårticot k' on aprind a fé des mawes: dijhêye d' onk k' a adviné vosse djeu.
4. fé ene mawe come on bouxhon d' espenes; u fé ene mawe a fé rtourner ene porcession; u: stinde ene mawe come a l' etermint d' on tchampete: fé ene drole di tiesse.

Parintaedje

• mawetes
• mawyî
• rimawyî

Sinonimeye

• (vizaedje, avou on rmataedje padrî): gueuye, figueure
• (mostraedje k' on-z est mwais): xhimagrawe, pote, xhinêye

Ortografeyes

Divant 1900 :

• mawe : E212 (a « fzeur du mawes ») ^(lére)
• mow : E184

Après 1900, foû rfondou (Feller, Feller ricandjî, nén Feller) :

• mawe : C8, C9, C13, E34, E165, O4, O92 ^(lére), S36 ^(lére), S109, S117

E rfondou walon :

• mawe : R10 ^(lére), R13

Li mot n’ est nén dins : C1, E170, O2, S0, S33

Ratournaedjes

drole di mostraedje do vizaedje

• Inglès : mug ^(en)
• Francès : moue ^(fr), mimique ^(fr), grimace ^(fr), trogne ^(fr), tronche ^(fr)
• Roumin : moacă ^(ro)