infén

Walon (Rifondou)

Etimolodjeye

Calcaedje do francès « enfin » (minme sinse) (li mot pår walon sereut « al fén »).

Prononçaedje

• AFE :
  • diferins prononçaedjes : /ɛ̃.ˈfɛ̃/ /ɑ̃.ˈfɛ̃/
  • prononçaedje zero-cnoxheu : /ɛ̃.ˈfẽ/  ^{aschoûtez lu}
• Ricepeures : in·fén

Adviebe

infén (nén candjåve)

1. metou al fén d' ene cawêye di råjhons.
   • infén, djans, vos n' i pinsez nén !
   • Infén, cwè vloz ! — Motî del Lovire (fråze rifondowe).
   • Ene Francesse; veve; foirt bounès rintes ! haiteye, savoz! co cåzu djonne, dayeur, et assez djoleye; infén, dji sohaitreu k' vos l' irîz vey — Lorint Hendschel, So l’ Anuti.
2. po prinde ene decizion, après on tchictaedje.
   • Vos dvoz esse presses a schoûter et a vos bate conte les abominåbes redjimints olandès ki… - mins vola ki l' mwaisse sôdård ki s' tént adlé lu hemlêye, amoenne si tchvå conte li sinne et shofler ene sacwè e l' oraye do djenerå - … conte les abominåbès årmêyes troukes, vou dj' dire; infén, evoye ! — Lorint Hendschel, So l’ Anuti.
3. mostere on long ratindaedje.
   • Infén, dji m' va maryî — Motî del Lovire (fråze rifondowe).
   • Est çk' i vénrè, infén ? — Motî del Lovire (fråze rifondowe).
   • Infén, vs estoz la ! — Motî d’ Bastogne (fråze rifondowe).
4. po mostrer k' on est nén trop dacoird, ki ç' n' est nén acertiné, po rcoridjî çou k' on vént djusse di dire.
   • C' est çk' il a dit, infén — Motî d’ Bastogne (fråze rifondowe).
   • Il esteut evoye… i n' esteut nén la, infén — Motî d’ Bastogne (fråze rifondowe).
   • Il a apoirté les chôzes… po les moxhes…les tchetoeres, infén — Motî d’ Bastogne (fråze rifondowe).
   • Mi camaeråde soriya djinteymint: « Infén, vos veyoz bén ! Ci n’ est nén on bedot, c’ est on berå. Il a des coines ! » — Lorint Hendschel, ratournant « Li ptit prince ».

Ratourneures

1. et infén : evnd.
   • Il î estént tertos, les cis d' Tchacou, les cis d' Mossea, et infén.

   F. etc., et autres

Sinonimeye

metou å coron d' ene rîlêye di råjhons

• al fén
• bref a ça

po s' decider après on halkinaedje

• alez !
• djans !

po on long rawårdaedje

• al fén
• al fén des féns
• e definicion d’ conte

po on manke d' acertinaedje

• dj’ ô bén

Ortografeyes

Divant 1900 :

• anfin : E203 ^(lére)

Après 1900, foû rfondou (Feller, Feller ricandjî, nén Feller) :

• enfin : C1, E34
• infin : O3
• anfin : E1, E21, S0

E rfondou walon :

• infén : R10 ^(lére), R13

Li mot n’ est nén dins : O2, O4, O92

Ratournaedjes

metou å coron d' ene rîlêye di råjhons

• Inglès : at the end ^(en), finally ^(en), in fact ^(en)
• Francès : enfin ^(fr)

al fén d' on balzinaedje, po s' decider

• Inglès : actually ^(en), in fact ^(en), anyway ^(en)
• Francès : enfin ^(fr), en conclusion ^(fr), bref ^(fr), en fin de compte ^(fr), quoi qu'il en soit ^(fr)

po on long ratindaedje

• Francès : enfin ^(fr), finalement ^(fr)

po on manke d' acertinaedje

• Francès : enfin ^(fr), du moins ^(fr), plutôt ^(fr), en fait ^(fr), je veux dire