foidje

Walon (Rifondou)

Tayon-bodje latén « fabrica » (minme sinse).

singulî	pluriyal
foidje	foidjes

foidje femrin

(foidjreye) plaece la ki l' marixhå emantche des usteyes di fier.
- Loukîz, nozôtes, e l' foidje on-z est todi dvins l’ araedje des côps d’ mårtea, edon ? — Henri Simon, « Li Neûre Poye » 1889, (eplaidaedje da Jean Haust di 1936), p.89 (fråze rifondowe).
- Li woeyeu del tourete, ki pete po l’ pus seur on some, ni soune nén del coine, cwand l’ sotea potche so l’ toet del foidje po rgriper l’ fossé — Joseph Mignolet, "Li payis des soteas", 1926, p. 81.
- I fwait si bon dins l’ foidje; ene air di feu våt mia k’ ene air di violon — Paul Moureau.
- Li monteu, distelé, fijheut l' toû des évôs
  S' asbruméve å pus rade et, passant dzo l' årvô
  Abrokéve boere li gote sol candjlete å viyaedje
  Et, tot dvizant so s' voye, arivéve disca l' foidje — Louis Henrard, divins: Li bidete da Colas, vers 219-222 (fråze rifondowe).
- On-z aléve å marixhå a Anloe po ferer les tchvås; dj' inméve bén d' vey l' ovraedje dins l' foidje.
- E ptit hamtea, la k' les eraires,
  Les trepsins, les îpes, les shoflots
  Sol panlet d' ene foidje tote foû scwere
  Rawårdèt l' medcén marixhå
  — Louis Lagauche, "Li ptit hierdî" (1926), p. 25 (fråze rifondowe).
(imådjreçmint) plaece la k' i fwait stof.
- Mi pwetrene est ene foidje
  Ki randaxhe sins aresse;
  Po-z ersaetchî di m' goidje
  Mi alinne, tant k' ele sårè — Simone Leroy (fråze rifondowe).