dizawurer
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.
dizawurer / dzawurer
I. [v.c.]
1. coixhî. Si li tchvå pitreut, vos vs frîz dzawurer. rl a: moudri, froxhî, mesbrudjî, pokî, atraper, arindjî, broyî, sipiyî, sitoker. F. meurtrir, blesser, cogner, froisser.
2. distrure. Ele a dzawuré tot s' robe. Il a dzawuré s' marone. F. détruire, abîmer.
3. (imådjreçmint) disbåtchî. Babi, ni vos endalez nén Vos alez tot m' dizawurer; Sins vos, dji n' sai pus a kî m' date; Dji so dins l' disbene et l' bernate (A. Gauditiaubois).
II. si dzawurer [v.pr.] si pokî, s' atraper, si coixhî. I s' a tot dzawuré tot toumant a l' valêye des grés. F. se blesser.
Disfondowes: d(i)zawirer, duzawirer, dès'zavirer, d(i)zawûrer.
Etimolodjeye: bodje "aweure", rissaetchante betchete di-, z di beloyance (rissaetchî l' tchance).
| dizawuré / dzawuré, êye [addj.] disbåtchî (eye).
- K’ est çki vs kipice ? K’ est çki vs temtêye ?
Pôve pitit andje dizawuré — Martin Lejeune, “ Œuvres lyriques du poète Martin Lejeune” p.136, « L’ andje dèl têre » (fråze rifondowe). - Mes pôvès aiwes, come on lavasse di pieles,
Si disfligotèt, dansèt, schoyèt låvå,
Et dzawurêye dji m' sitåre et roufele
Inte des hôts plopes e-n on metchant rouwå
— Louis Lagauche, "L' inmant", Li tchanson del Mouze, (1947), p. 108 (fråze rifondowe).
- K’ est çki vs kipice ? K’ est çki vs temtêye ?
| dizawuråd / dzawuråd, e [o.f.n. & addj.] broye-tot. Dji n' såreu pus shure avou ds efants ossu dzawuråds. F. casseur (euse), destructeur (trice).
Disfondowes: d(i)zawiraud, d(i)zawûraud.
| dizawurance / dzawurance [f.n.] disbåtchance. F. désarroi.