bastringue

Walon (Rifondou)

Etimolodjeye

Nén aveuri des linwincieus; li sourdaedje foû d' on bodje flamind « trinken » kinoxhou long et lådje n' a nén stî acertiné dins les motîs ; çou ki dene on mot avou l’ cawete « -ingue ».

Prononçaedje

AFE :
- diferins prononçaedjes : /bas.ˈtʀɛːk/ /bus.ˈtʀɛːk/ /bas.ˈtʀek/ (minme prononçaedje cåzu pattavå)
- prononçaedje zero-cnoxheu : /bas.ˈtʀɛːk/
Ricepeures : bas·tringue

Sustantif

singulî	pluriyal
bastringue	bastringues

bastringue omrin et femrin

On cåbaret ewou çk' on danse.
- Tini on bastringue.
Ene dansreye, ene fiesse la k' on-zî danse, dins on sfwait cåbaret.
- Ci n' est nén a cori les bastringues k' on trouve comere d' a façon.
En ôrkesse ki fwait danser dins on sfwait cåbaret.
- Kî çki fwait bal a Nolevå ? - Djodjo et s' bastringue.
Li brut d' ene dansreye, d' ene muzike.
- Insi, nén co binåjhes d' aveur leu daye tos les djoûs al måjhone et l' semdi dvins les cåbarets, les djonnes d' asteure s' ont pår metou so l' ton do fé braire leu bastringue di såvadje å dvins d' leu vweteure ! — Paul-Henri Thomsin, lijhåve so l' Aberteke (fråze rifondowe).
On cåbaret k' a mwaijhe reputåcion ou on bordea.
- Il a passé l' nute dins ene bastringue.
- Rôler totes les bastringues.
Tot plin des cayets cou d'zeu cou dzo, pelmi-pelmele, di totes les sôtes.
- On lyi va vinde tot s' bastringue.
- Ké bastringue vaici; rindjîz m' ene miete vosse tchambe !
- C' esteut tot po enute: i faleut leyî rafroedi l' biesse. Li discôpe, ci sereut po dmwin. On boet on peket u deus et l' touweu d' pourcea endè va avou s' bastringue et si pitite pårt k' il a bén wangnî po s' marinde — Hélène Hance Burcel, lijhåve so l' Aberteke (fråze rifondowe et rarindjeye).
Ene plaece k' i gn a bråmint do brut et del djin, ou tot plin des cayets cou d'zeu cou dzo, pelmi-pelmele, di totes les sôtes.
- Kéne bastringue k' i moennèt la hôt!
- I moennèt bastringue dispoy des eures.
- I nd a yeu ene di bastringue å cabaret Fine!
Ene målåjheye sitouwåcion, ene laide afwaire, metans ene bisbrouye.
- I nd a ene di bastringue dins s' famile la
- Ké bastringue!
On cayet a mitan scheté, metans on piyano.
- Ké bastringue di piyano!
- Kimint pout on djouwer do piyano so ene bastringue pareye?

Ratourneures

et tot l' bastringue
- Adon, avou on gros mårtea, l' ome flaye å triviè d' tot, remolant les apareys di precizion, dismolixhant çou ki pôreut convni ås Aloyîs, dismoirçulant cadrans, boussoles, volants, maniveles di poentaedje et tot l' bastringue — Félicien Barry, dins Sonk walon, lijhåve so l' Aberteke (fråze rifondowe).