trefiler

Walon (Rifondou)

Etimolodjeye

Do viebe « filer » (aler rade) avou l' betchete "tre-".

Viebe

Djin et tins	Codjowa
Cåzant Ind. pr. (dji, dj’)	trefile
Atôtchî(s) Ind. pr. (vos, vs)	trefilez
Cåzants Ind. pr. (nos, ns)	trefilans
Rwaitants Ind. pr., nam. (i/il, ele/elle)	trefilnut
Cåzant Ind. fut. (dji, dj’)	trefilrè
Cåzant D.I.E. (dji, dj’)	trefiléve
Cåzant Suddj. pr. (ki dji, dj’)	trefile
pårt. erirece (dj’ a, vos av)	trefilé
Ôtes codjowaedjes	sipepieus tåvlea

trefiler (v. sins coplemint)

roter so plaece, tot ratindant ene sacwè.
- Mins l’ nute trefele do lever s’ toele,
  Et come si c’ esteut dit leus deus,
  Pol fé tni coe,
  Rade, ele difûle ene sitoele. — Jules Claskin, « Airs di flûte et autres poèmes wallons », édition critique de Maurice Piron, 1956, « Li plope », 1923, p.33 (fråze rifondowe).
- Ouy’, li pîsson s’ènonde drî lès vèdjes di s’sårcô
  Li pinsonî trèfèle i marquèye lès côps
  Et n’candj’reû sès djoûs po lès cis d’on tchènônne. — Joseph Minet, "Les oujheas di nosse payis", p. 20.
- Por mi, i fåreut pår ralongui l' anêye di shijh moes pol moens, po m' mete a djoû. Nole avance ! c' est l' anêye a vni ki n' vout nén. Elle est la ki s' rafeye et ki trefile — Paul-Henri Thomsin (fråze rifondowe).
(~ d' djoye) awè bråmint del djoye so l' moumint.
- S' å cmince ele trefiléve di djoye divant di vni a Clouj, asteure elle a l' cour grawyî tot tuzant a ses soçones k’ elle a leyî padrî, a Văleni. — Gabriyel & Gabriyel.
- Ele va trefiler d' djoye, a, awè djel wadjreus — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
- Cwand l’ solo vént dorer vos blonds tchveas plins d’ loumire
  I m’ troubele bén moens foirt ki les feus d’ vos påpires
  Ki m’ fjhèt trefiler d’ djoye et fruzi d’ contintmint— Martin Lejeune, "L’aveû" (fråze rifondowe).
(v. sins coplemint) minme sins.
- S’ i n’ aveut distilé ki les bounès sinteurs,
  Ki, montant des valêyes, buskintèt les hôteurs,
  Les rozes et les clawsons et les foitès djalofrenes,
  Et totes les fleurs ki fjhèt trefiler nos narenes ;— Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
(v. sins coplemint) esse rimouwé e lu-minme.
- Tchaeke powete a des coides a si åme
  K' ont bén pus åjhey do trefiler
  Mi, dj' a l' måleur d' esse tinre al låme ;
  On rén di tot m' fwait triboler— Martin Lejeune, Bultén del Societé d' Lidje, "Eco todis", tome 34, p. 131 (fråze rifondowe).

Sinonimeye

pesteler

Ortografeyes

Après 1900, foû rfondou (Feller, Feller ricandjî, nén Feller) :

trèfiler : E34
tréfiler : O4

Ôtès ortografeyes (avou des sourdants nén rkinoxhous) :

trefiler : R12

Ratournaedjes

roter so plaece

Francès : trépigner ^(fr), piétiner ^(fr) (d'impatience), se réjouir ^(fr)

esse rimouwé e lu-minme

Francès : être ému ^(fr), bouleversé ^(fr)