pî-sinte

Walon (Rifondou)

Etimolodjeye

Aplacaedje tîxhon avou loyeure di : «pî» + * «sinte» («pazea», mot racuzinåve avou l' bodje do francès « sentier »), pazea po roter a pî, dj' ô bén : minme tcherpetaedje ki «pî-pazea»).

Prononçaedje

• AFE :
  • diferins prononçaedjes : /piː.ˈsɛ̃t/ /pjɛ.ˈsɛ̃t/ /piː.ˈʃɛ̃t/ (minme prononçaedje cåzu pattavå)
  • prononçaedje zero-cnoxheu : /piː.ˈsɛ̃t/
• Ricepeures : pî-·sinte

Sustantif

singulî	pluriyal
pî-sinte	pî-sintes

pî-sinte omrin

1. (mot des voyes et tchmins) stroet tchmin po ene djin ou ene biesse passer.
   • Sol crestea, ci n' esteut k' on grand plin ki l' pî-sinte trevåtchive, come tracêye å coirdea. — Jean-Pierre Dumont (fråze rifondowe).
   • Ça fwait ki, dvant d' ariver al copete, dji leye la l' pî-sinte po m' aler catchî dins les bouxhons. — Jean-François Brackman (fråze rifondowe).
   • Plic ! ploc !
     I ploût.
     Su nosse pîssinte
     C’èsteut dès cindes
     Là qu’ c’èst dès broûs !
     Plic ! ploc ! Ça tchaît
     Dissus m’ visadje ;
     In gros nuwâdje
     Qu’èst là qui braît.
     Maîs dji sé bin
     Qu’après l’ nûwèye
     Li solia r’vint
     Su nosse pavèye
     — Lucien Somme.
   • Li loumîre dè solo droûve li dièrin boton.
     Al dilongue dès pîssintes i ploût dès rèspleûs d’ djôye…
     Èt lès vîs clokîs d’ pîre dispårdèt d’zeû lès vôyes
     Totes lès tchansons qu’on tchante è nosse payîs walon— Joseph Mignolet, Li sondje dè mèstré, 1925.
   • Les pî-sintes di fleurs sont ksemêyes,
     Cisses cial, dizo l’ tchôleur påmêyes,
     Håynèt li pus djinti rivnant
     — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).

Sinonimeye

• pazea
• pî-pazea

Mots vijhéns

• voylete
• roti
• rotoe
• tîdje

Sipårdaedje do mot

w. do Coûtchant, w. do Mitan, w. do Levant

Ortografeyes

Divant 1900 :

• pîcintt : E203 ^(lére)

Après 1900, foû rfondou (Feller, Feller ricandjî, nén Feller) :

• pîchinte : O4
• pî-sinte : E1
• pièsinte : O4
• pièssinte : O0 (!!! a-z aveuri)
• pîssinte : C99, E34, O0, G206
• pîsinte : O4
• pisinte : C8

E rfondou walon :

• pî-sinte : R13

Li mot n’ est nén dins : S0

Ratournaedjes

stroet tchmin po passer a pî Loukîz a : pazea

• Francès : sentier ^(fr)

Waitîz eto

Lijhoz l’ årtike pî-sinte so Wikipedia