olivete

Walon (Rifondou)

Bodje « olive » avou l’ cawete « -ete »; minme mot ki l' francès « olivette » (k' a èn ôte sinse) mot cité dins l’ FEW 7 347a.

AFE :
- diferins prononçaedjes : /ɔ.li.vɛt/ ^{aschoûtez lu} (minme prononçaedje cåzu pattavå)
- prononçaedje zero-cnoxheu : /ɔ.liː.vɛt/ (waire u nén prononcî insi å 20inme sieke)
Ricepeures : oli·vete

singulî	pluriyal
olivete	olivetes

olivete femrin (pus sovint eployî å pluriyal)

(plante) plante come li pavoe, coûtivêye po fé d' l' ôle avou ses grinnes, ki l’ sincieus no, c’ est : Papaver somniferum nigrum.
- On stoirdeut les grinnes d' olivete sortot tins del guere; kéne ovraedje ! — Lucyin Mahin, Ène bauke su lès bwès d’ l’ Ârdene, p. 62 (fråze rifondowe et rarindjeye).
(pa stindaedje do sinse) pitit ovraedje (waire u nén payî).
- Et dj' doe co fé tes olivètes — Motlî d’ l’ Årdene foyowe, L' Årdene foyowe p. 39 (fråze rifondowe).
- I m' a dmandé d' fé ene pitite olivete por lu — Motî d’ Bastogne (fråze rifondowe).
- Dj' a fwait kékes olivetes avår la — Motî d’ Bastogne (fråze rifondowe).
(no d’ danse) sôre di danse.
- Dji t' frè danser les olivetes — Motî d’ Djivet (fråze rifondowe).
sacwè ki passe pal tiesse et k' on vout fé d' tote foice.
- I lyi fwait totes ses olivetes — Motî d’ Bouyon (fråze rifondowe).