ledjir

Walon (Rifondou)

Etimolodjeye

Tayon-bodje latén « levis » (minme sinse), avou l’ cawete « -ir ».

Prononçaedje

• AFE :
  • diferins prononçaedjes : /lɛ.ˈd͡ʒiːʀ/ Prononçaedje a radjouter
  • prononçaedje zero-cnoxheu : /lɛ.ˈd͡ʒiːʀ/
• Ricepeures : le·djir

Addjectif

	singulî	pluriyal
omrin	ledjir	ledjirs
femrin padrî	ledjire	ledjires
femrin padvant	ledjire	ledjirès

ledjir omrin (come addjectif djondrece, metou padvant u padrî l’ no)

1. ki n' a waire di pwès.
   • I vind do trop ledjir pwin.
   • Ene pitite ledjire coviete — Motî d’ Bastogne (fråze rifondowe).
   • Di dzeu les toets
     Si bleus
     Bleuwès foumires
     Viè l’ hôt clokî
     Si vî,
     Montèt ledjires. — Jules Claskin, « Airs di flûte et autres poèmes wallons », édition critique de Maurice Piron, 1956, « Payîs walon », 1922, p.91-92 (fråze rifondowe).
   • Pierdou dins li dzir, Nos stans ledjirs, Et nos cavolans Come des ploumions — André Gauditiaubois (fråze rifondowe).
2. (mot des mnujhîs et scrinîs) ki n' a waire di dinsité, tot djåzant d' on bwès.
   • Li beyôle, c' est åk di ledjir

Cisse pådje u ci hagnon ci est co a scrire, u a mete d’ adrame. Si vos avoz des cnoxhances so l’ sudjet, vos l’ ploz fé vos-minme.

1. ki n' tént nén eshonne, tot djåzant d' ene tere.
   • Ci tere la est trop ledjire.

   On dit eto: hole, veule. Contråve: del foite tere.

   F. meuble.

2. ki n' est nén foirt (gote, toubak, soumey).
   • Des ledjirès cigaretes.
   • Dj' a l' soumey ledjir.
3. åjhey a fé (ovraedje).
   • Dji vos dinrè ene pitite ledjire ovraedje.
4. ki s' didjere bén (amagnî).
   • Li påsse a bén levé: les tåtes seront ledjires.
   • Magnîz cwandminme ene pitite sacwè d' ledjir.
5. ki n' a waire di rindaedje, tot djåzant d' ene dinrêye.
   • L' avoenne est ledjire, saiss.

   F. à faible rendement.

6. ki n' riwaite nén a çk' ele dit a ck'ele fwait, tot djåzant d' ene djin.
   • Elle est co bén ledjire.

   F. léger, frivole, volage.

Ratourneures

1. ledjir come ene plome
2. ledjir come ene oronde
3. aveur el mwin ledjire : diner åjheymint ene bafe.

   F. prompt à frapper.

4. esse ledjir d' aidants : èn waire aveur di liårds.

Parintaedje

• ledjirmint, ledjirté, ledjiristé

Contråve

• (ki n' a waire di pwès): pezant

Ortografeyes

Après 1900, foû rfondou (Feller, Feller ricandjî, nén Feller) :

• lèdjèr : C8
• lèdjêr' : C100
• lèdjir : C8
• lidjêr : O4
• lèdjîr : E1, E34, S0, S117

E rfondou walon :

• ledjir : R10 ^(lére), R13

Ratournaedjes

ki n' a waire di pwès

• Espagnol : liviano ^(es)

Adviebe

ledjir (nén candjåve) (addjectif adviebrece)

1. ledjirmint.
   • Elle esteut moussêye ledjir.
   • I rote co ledjir.
   • I fåt mindjî ledjir.

   F. légèrement.

   pårler ledjir : e dire des cråsses.