låsse

Walon (Rifondou) =

• 
  Sacwants låsses

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « låsse », el pout stitchî vaici.; mot cité dins l’ FEW 16 436a.

Prononçaedje

• AFE :
  • diferins prononçaedjes : /lɔːs/ /laːs/ /loːs/ /lãs/ /las/; miersipepieuzmint e l’ notule ALW 4.139 ; (betchfessî å).
  • prononçaedje zero-cnoxheu : /lɔːs/
• Ricepeures : nén rcepåve

Sustantif

singulî	pluriyal
låsse	låsses

låsse femrin

1. (ahesse di manaedje) boesse avou on covieke ki clôt po wårder ene sacwè k' on-z årè co mezåjhe.
   • C' est vraiy, vormint, vos avoz stou atchter des solés, mins c' est bén des ptitès låsses, çoula — Jean Bosly, Li molin d’ å Pré-Bolèt, p. 38 (fråze rifondowe).
   • Mi cour, c' est come ene låsse di soye La k' dji retrokele, catchetmint, Des poussires di bouneur et d' djoye  Des spiyons d' båjhaedjes et d' siermints — Émile Wiket (fråze rifondowe).
   • Didins les låsses tchamousseyes e gurnî, il ont rtrové tos les contes do mônî d' Wézelvå — Pierre-Joseph Dosimont (fråze rifondowe).
2. pitit cofe di bwès, cofe ås usteyes, boesse avou sacwants cazes.
   • Li picete est dins l' låsse ås usteyes.
   • Et rén k’ a saetchî foû di s’ låsse
     Li live ki lyi a tant siervou,
     I m’ shonne ki c’ e-st a leye ki dj’ djåze ! — Martin Lejeune, “Œuvres lyriques du poète Martin Lejeune” p.183, « Lu lîve du mèsse dèl grand-mêre » (fråze rifondowe).
3. ridant do molén å cafè.
4. (mot des cinsîs) caisson do clitchet.
5. cofe ki clôt bén, kécfeye avou ene sere.

Ratourneures

1. låsse ås tchapeas u : låsse al sitof u : låsse å stof u : låsse å wéte u : låsse di pingne u : låsse ås spéces u : låsse ås spéçreyes u : låsse ås cigåres u : låsse ås vîs papîs u : låsse ås mousmints u : låsse ås cwårs u: låsse å cafè u: låsse di brocales : lomaedje sorlon çou k' gn a dvins.
   • Onk k' a stî tot vî et tot cacame, dimegne passé, après grand-messe, c' est l' curé d' Awagne, cwand troes soçons lyi ont apoirté ene låsse ås troes tchapeas — Auguste Laloux, Li p’tit Bêrt, p. 37 (fråze rifondowe).
2. il est come on blanc doet : el fåreut mete divins ene boesse å coton : dijhêye po onk k' est foirt delicat.
3. on direut k' ele vinaxhe foû d' ene låsse : dijhêye po ene feye bén prôpe, bén mousseye.
   • Est ele frisse ! Est ele racoctêye ! On direut k' ele vinaxhe foû d' ene låsse — Motî Rmåke li vî (fråze rifondowe).

Parintaedje

låssete, låssea

Sinonimeye

• (boesse) : boesse, caisse / casse
• (cofe) : scrinea, clôzea, sclozea, loket, lokea, locrê, loucrin, crabot…; miersipepieuzmint e l’ notule ALW 4.81 .

Dizotrins mots

• sånî (låsse å sé)
• vagon (grosse låsse ås brocales), brocalî

Sipårdaedje do mot

w. do Levant, Basse Årdene

Ortografeyes

Divant 1900 :

• lâsse : E212 ^(lére)
• lâss : E177
• lâce : E212 ^(lére)

Après 1900, foû rfondou (Feller, Feller ricandjî, nén Feller) :

• låze : S117
• lâsse : G204 p. 281
• lansse : E165 p. 76
• låsse : E1, G204 p. 177
• lausse : S117
• låce : E34

E rfondou walon :

• låsse : R13

Li mot n’ est nén dins : S0

Ratournaedjes

boesse avou on covieke; Loukîz a : boesse

• Arabe : علبة ^(ar) = عُلْبة =‎ 3oulba
• Arabe marokin : bwa6a (bwaTa) =‎ بواطة
• Almand : Kasten ^(de), Kiste ^(de)
• Inglès : box ^(en)
• Espagnol : caja ^(es)
• Francès : boîte ^(fr), caisse ^(fr)
• Neyerlandès : doos ^(nl)

boesse ki clôt a sere; Loukîz a : cofe

• Arabe marokin : صندوق ^(ary) = صنْدوقة =‎ çendoq
• Almand : Truhe ^(de)
• Inglès : chest ^(en)
• Espagnol : arca ^(es), baúl ^(es)
• Francès : coffret ^(fr)
• Neyerlandès : kist ^(nl)

Waitîz eto

Lijhoz l’ årtike låsse so Wikipedia