edon

Walon (Rifondou)

Etimolodjeye

Aplacaedje di : «est» + «don» (est i don?) (etimolodjeye nén acertinêye)

Mot-usteye

edon

(dins èn arinnoe) mot ki shonne dimander a l' atôtchî a dire awè a ene idêye.
- C’ est seur des cis ki vnèt heyî. C’ e-st ouy li djoû, edon, matante ? — Henri Simon, « Li Neûre Poye » 1889, (eplaidaedje da Jean Haust di 1936), p.57 (fråze rifondowe).
- Il est dhoté, edon, Matî — Dieudonné Salme (fråze rifondowe).
- Nén dandjî d' fé des grands råtchåds po s' comprinde, edon — Paul-Henri Thomsin (fråze rifondowe).
(pus stroetmint) minme sinse eployî e mitan del fråze avou l' no di l' atotchî ou si arinnoe.
- NENELE. – Vosse pere, edon båshele, ci n’ est nén ås Bonceles k’ i doet-st aler, c’ e-st a Guel !
  MELIYE. – Si vos continouwez al kihushtiner insi, sortot ! — Henri Simon, « Li Neûre Poye » 1889, (eplaidaedje da Jean Haust di 1936), p.84 (fråze rifondowe).
(al fén del fråze divant on no ou on prono tonike) respond al kesse « pocwè ».
- LOUISE. - Pocwè m' popa djåze t i ?
  ADELE. - Il est co do vî tins edon Dåvid. I n' sait nén comprinde li manire do viker d' asteure.— Joseph Mignolet, "Li vôye qui monte" (1933), p.38 (fråze rifondowe).
(metou al fén divant l' prono tonike) rafoircixh li dmande, li rimårke.
- Vos nd avoz nén stî ewaerêye, edon, vos ? — Henri Simon, « Quatre comédies Liégeoises », 1936, « Janète » (1913), p. 142 (fråze rifondowe).
- Loukîz cmint k' vos djåzez, edon Djerå … — Joseph Mignolet, "Li vôye qui monte" (1933), p.21 (fråze rifondowe).
(pa assaetchance di « adon »).
- Si vos l’ sipozez, edon, vosse planete est tote fwaite davance. — Henri Simon, « Li Neûre Poye » 1889, (eplaidaedje da Jean Haust di 1936), p.86 (fråze rifondowe).
- Troes omes arivèt ? I les fåt språtchî d' on côp d' catapule, edon ! Ça lzî clôrè leu badjawe ! — Paul-Henri Thomsin, ratournant Astérix amon lès Bèljes, 2022, p. 26 (fråze rifondowe).
(eployî al fén d' ene fråze di dmande sins viebe) dimande l' atôtchî a-st ossu a l' idêye ene sacwè.
- NENELE. – Awè, prindoz vosse violon, savoz !
  DAIRSON. – Et do spégulaire avou, edon ? — Henri Simon, « Li Neûre Poye » 1889, (eplaidaedje da Jean Haust di 1936), p.66 (fråze rifondowe).
divant èn ôte adviebe Loukîz a : « edon çoula », Loukîz a : « edon surmint ».
- Vos n’ mi vôrîz nén vey rataker, edon, portant ? …— Arthur Xhignesse, « Bwègnes mèssèdjes & pititès gotes » (1905), p.15 (fråze rifondowe).
- Ca po ene mame et on popa, a t i ene sacwè sol monde ki våt li sonk di leu sonk ? Neni, edon. — Joseph Mignolet, « Li tchèsturlinne dèl Bèle Rotche, 1922, p.38 (fråze rifondowe).

Ratourneures

Mots d’ aplacaedje

edon ki

Sinonimeye

endon; Loukîz a : « endon »

Ortografeyes

Après 1900, foû rfondou (Feller, Feller ricandjî, nén Feller) :

èdon : E1

E rfondou walon :

edon : R10 ^(lére)

Li mot n’ est nén dins : C13, S117, R13

Ratournaedjes

mot shonnant dmander cwè al djin k' on arinne Loukîz a : endon

Arabe marokin : ياك ^(ary) =‎ yak
Francès : n’est-ce pas ^(fr)?

dimande l' atôtchî a-st ossu a l' idêye ene sacwè

Francès : tant qu’on y est ^(fr) !, pourquoi pas ^(fr), je suppose ^(fr), je présume ^(fr)

(al fén del fråze divant on no ou on prono tonike) respond al kesse « pocwè »

Francès : car ^(fr), c’est que ^(fr)

Mot-fråze

edon (nén candjåve)

sclameure mostere k' ene sacwè est bén l' vraie.
- Way-a-way, dji m’ va co ramasser ene mwaisse savneure, edon ! — Henri Simon, « Janète » 1911, (eplaidaedje da Jean Haust di 1936), p.119 (fråze rifondowe).
- -Vos avoz seur on bén bon tchvå ! … derit i å martchand.
  -Edon ! C' e-st on rot, fjha t i l' ome, c' est les meyeus, mins c' est les pus dandjreus. — Joseph Mignolet, "Vé l’loumîre" (1922) (fråze rifondowe).

Ratournaedjes

mostere k' ene sacwè est bén l' vraie

Francès : et comment ^(fr) !, pour sûr ^(fr)!, évidemment ^(fr)