djivêye

Walon (Rifondou)

Etimolodjeye

Bodje « djive » avou l’ cawete « -êye ».

Prononçaedje

• AFE :
  • diferins prononçaedjes : /d͡ʒiː.ˈvɛːj/ /d͡ʒiː.ˈvej/ /d͡ʒiː.ˈve/
  • prononçaedje zero-cnoxheu : /d͡ʒiː.ˈvɛːj/
• Ricepeures : dji·vêye

Sustantif

singulî	pluriyal
djivêye	djivêyes

djivêye femrin

1. (mot des tchårlîs et des tcherons) atelêye di bwès k' on tcheryive insi so l' aiwe, padecô so des vudes toneas.
   • On dischindeut les bwès so Mouze avou des grandès djivêyes — Motî Pirsoul (fråze rifondowe).
   • Cwand i gn è vneut on galop d' aiwe, on betchfessive les bwès d' mene et les loyî avou des coides: c' esteut ça, la, ene djivêye.
2. (mot d’ boskiyon) sacwès metowes e-n ene lene (metans: des coxhes).
   • Li bokion a-st arivé divant ene djivêye di belès grossès coxhes, et taper l' malete djus — Paul Depas (fråze rifondowe).
3. (mot des cinsîs) binde di longous tchamps ki s' djondèt.
   • Tote li Praireye, ci n' esteut k' ene djivêye di prés.
4. (noûmot pa stindaedje do sinse) lisse (di mots, di djins).
   • Tchåle Delaite m' aveut dné puzieurs djivêyes di mots di Rdû — Lucyin Mahin.
   • I m' a-st avoyî ene plakete avou les cénk djivêyes do Diccionaire di Tot l' Walon.

Parintaedje

• radjivêye
• Loukîz a : « djive »

Mots vijhéns

• (bwès tcheryîs so l' aiwe): cliyonêye, bolêye, bossêye, pouri talon.
• (sacwès metowes e-n ene lene): rindjeye, rîlêye, djén
• (binde di tchamps): coûteure.

Sipårdaedje do mot

w. do Mitan w. do Levant

Ortografeyes

Après 1900, foû rfondou (Feller, Feller ricandjî, nén Feller) :

• djîvêye : E1, S117
• djîvée : C9
• djîvéye : C8

E rfondou walon :

• djivêye : R10 ^(lére), R13

Ratournaedjes

bwès k' on tchereye so l' aiwe

• Francès : train de bois flottant ^(fr) (nén ratournåve direk e francès)

sacwès metowes e-n ene lene

• Francès : rangée ^(fr)

binde di tchamps

• Francès : bande de terrain ^(fr) (nén ratournåve direk e francès)

lisse

• Francès : liste ^(fr), listing ^(fr)