agrè

Loukîz eto : egré.

Walon (Rifondou)

Li rfondaedje di ç’ mot cial est co so balance. Fåt i scrire « agrè » u « agrès » ?

Etimolodjeye

Tayon-bodje latén « gratus » (ricnoxhant) avou l’ betchete « a- » ; pout esse loukî come on svierba d’ agreyî ; dabôrd, racuzinåve avou francès « gré ».

Prononçaedje

AFE :
- diferins prononçaedjes : /a.ˈɡʀɛ/ /a.ˈɡʀa/ (minme prononçaedje cåzu pattavå)
- prononçaedje zero-cnoxheu : /a.ˈɡʀɛ/
Ricepeures : nén rcepåve

Sustantif

agrè omrin todi singulî

plaijhi d’ fé ene sacwè.
- Li ptite robete passe si veye mierseule, sins agrè, dins ene gayole. — Joseph Durbuy (fråze rifondowe).
- Li mistere ki plonke et ki mousse,
  Ki rmowe vosse cour et ki l’ dismousse,
  Tot vnant cmaxhî tos les ptits screts
  Ki vs catchîz avou tant d’ agrè ? — Martin Lejeune, Bultén del Societé d' Lidje, "Zûvion d’amoûr", tome 43, p. 143 (fråze rifondowe).
- Tos les ritches, po-z aveur ene boune plaece,
  Sins conter semént leus ritchesses,
  Et po les pôves avént d' l' agrè. — Joseph Vrindts, « Pâhûles rîmês » (1897), "Les roies", p.10 (fråze rifondowe).
- Les rapoûlaedjes sont fwaits po fé cnoxhe ses idêyes,
  Et l' ci ki n' a nén les sinnes e-st èn ome sins agrè. — Louis Lagauche, "L' inmant", Ås walons, (1947), p. 117 (fråze rifondowe).
(pus stroetmint) dins l’ ratourneure : « aveur l’ agrè di » : aveur bon di.
- Les låmes ki dj' råyrè foû d' leus ouys
  Åront l' agrè di m' fé xhaxhler. — Joseph Vrindts, « Pâhûles rîmês » (1897), "Li vile mam'selle", p.22 (fråze rifondowe).
- Dj’ a todi yeu d’ l’ agrè po les syinces : l’ istwere do vî tins, li syince des asses et l’ istwere del Walonreye. — Marie Vandenheuvel, Novèles dès Walons Scrîjeûs d’après l’ BanBwès (fråze rifondowe).
- Les årtisses ki s’ ecråxhént di s’ saeyén schoûtént les idêyes k’ il aveut l' agrè d’ consyî. — François Nyns, ratournant Florian (fråze rifondowe).
- Fwait a fwait ki l' åme abandnêye si pôve coir, c' est nozôtes, pôrçulinnes ou vîs meubes, kel ritrovèt, et, si t' as l' agrè di nos vni dire bondjoû di feye k' a ôte, nos t' frans l' doûce tcharité di tel fé rvey. — Louis Lagauche, "Prindoz vosse bordon" (1937), p. 11 (fråze rifondowe).

Parintaedje

Ortografeyes

Divant 1900 :

agrès : C9a ^(lére)

Après 1900, foû rfondou (Feller, Feller ricandjî, nén Feller) :

agrè : E1, E34, O0
agra : E13
agrès : C1, C9, C13, E1

E rfondou walon :

agrè : R10 ^(lére)
agrès : R10 ^(lére), R13 (rifondaedje ricandjî enawaire)

Ratournaedjes

plaijhi d’ fé ene sacwè

Francès : goût ^(fr), agrément ^(fr), plaisir ^(fr)