Sujet sur Uzeu copene:Srtxg

Dins O4 i gn a les mots moûrtèrin et moûrtayant (dj' ô bén, aclapés, moirterén, moirtaeyant; dins l' DTW i gn a (dins les loyéns a "moirt") moirt taeyant; et dins O4 todi, moûrt-pwèy’ (ki dj' end a fwait èn årtike wiccionaire eyet sol DTW come moirt-poy).

Dji pinse k' i s' divrént scrire avou ene loyeure, la ki c' est on mot avou on sinse bén da lu ("moirt-terén" c' est nén l' minme ki "moirt terén"); mins les bokets dmorèt co bén ricnoxhåves ey avou on loyén direk dins l' sinse do mot (çou k' on piedrè ene miete al sicrire aclapé sins loyeure).

Adon, k' endè pinsez vs ? @Èl-Gueuye-Noere, @Lucyin, @Reptilien.19831209BE1

On trouve moirt-tèiant et moirt-fil [G0] (po Nameur), et on rtrouve eto (çou ki m' sorpin) divins l' Dictionnaire de la langue française, Émile Littré, 1889 : « namur(ois). moirt-fil ». I gn a eto mwért tèyant [E1].

Pol moumint dji n' a k' çoula, mins on direut bén k' e walon on saye å pus sovint d' èn nén aplaker, surmint come vos l' dijhoz po bén ricnoxhe les deus bokets. Adon moirt-taeyant u moirt taeyant ? Ça n' rivént nén a l' minme kesse ki po bole di tchén u bole-di-tchén ; a des oûsses u a-des-oûsses, evnd ? Nén simpe come kesse !

Après awè rwaitî les troes mots ("moirt-taeyant", "moirt" yet "taeyant") sol DTW, dji wådrey voltî li loyeure po bén dire k' ç' est on mot a pårt.

Dji sreu d' acoird avou çoula. Mins s' on ndè fé ene rîle fåreut i scrire a des oûsses → a-des-oûsses ; roye sint Djan → roye-sint-Djan (motoit roye-Sint-Djan) tot come coroye sint Djan → coroye Sint-Djan‎ → coroye-Sint-Djan‎ ?

Por mi, li dujhance dedja e-n alaedje dispu li cmince di l' esplicant motî (Nouve Zelande, Noû York), c' est ki l' loyeure si mete cwand l' ôre naturel n' est nén respecté, u ki l' sinse est foirt diferin des mots prins onk a onk.

• Sint-Djhan = fiesse di sint Djhan
• nén ordinaire
• coraedje-evoye
• TODI inte codjowa IP3s + si coplemint: boute-foû, mele-tot, passe-pî
• po les cmons nos: w:Loyeure#Kimons_nos
• moirzive: aplaké pår, pask' on a on -z- di bele oyance, ki rsaetche li T di moirt (mins on pôreut awè come dobe rifondowe moirt-z-ive come divant-z-ir, divant-z-ouve (riscrijhåves divanzir, divanzouve

moirt taeyant = tayant k' est moirt (vraiy sinse => sins loyeure); moirfi calké do francès morfil, nén comprindåve a pårti di "moirt" et "fi" (la k' on dit "taeyant" et nén "fil du rasoir".

po "a des oûsses", on pout supoizer ki les oûsses el magnént voltî => come såvadje åwe => sins loyeure

Sint-Djhan = fiesse di sint Djhan

Çou ki vout dire ki coroye Sint-Djan‎ (ki vs avoz rlomé) = « coroye del fiesse di sint Djan » et nén « coroye di sint Djan » ?

c' est ki l' loyeure si mete cwand [...] l' sinse est foirt diferin des mots prins onk a onk

Adon, i m' shonne ki coroye et sint + Djan n' est nén l' minme ki coroye Sint-Djan‎ (= airdiè) k' a-st on sinse bén da lu.

Tout çoula n' est nén foirt clair.