savoz

Walon (Rifondou)

Tripès rfondowes

savoz

sav

sepoz

Etimolodjeye

Bodje « sav- », bodje A do viebe « sawè », avou l’ cawete di codjowaedje « -oz ».

Prononçaedje

• AFE :
  • diferins prononçaedjes :
    • (plinnès cognes) /sa.ˈvɔ/ /sa.ˈvu/ /sa.ˈvuː/ /sa.ˈvɛ/ /sa.ˈve/
    • (spotcheyès cognes) /sav/ /sɔ/ /sõ/  ^{aschoûtez lu}, /sɔ̃/
  • prononçaedje zero-cnoxheu : /sa.ˈvɔ/
• Ricepeures : nén rcepåve

Codjowa

savoz

1. indicatif prezintrece, deujhinme djin do pluriyal «sawè» / «saveur».
   • Savoz bén l' dierinne ?

Mot-usteye

ordinairmint et poleymint	camaerådreçmint
savoz; sav	saiss

savoz

1. (dins èn arinnoe) rafoircixh li djhaedje tot arinnant poleymint l’ atôtchî (-eye).
   • Dji so d' Bålet, savoz, mi! — Thierry Dumont.
   • Aprestez-m’ mi tchapea et m’ capote di noer drap, savoz, m’ feye ! — Henri Simon, « Li bleû-bîhe » 1886, (eplaidaedje da Jean Haust e 1936), p.18 (fråze rifondowe).
   • C’ e-st èn ome, savoz, lu, Titisse ! … En ome totoute … et k’ årè des botes a rôletes ! — Arthur Xhignesse, « Boule-di-Gôme », 1912, p.9 (fråze rifondowe).
   • Ci n' est nén insi k' on maxhe li djote, savoz !
2. dimande di nén rovyî ene sacwè.
   • NENELE. – Awè, prindoz vosse violon, savoz !
     DAIRSON. – Et do spégulaire avou, edon ? — Henri Simon, « Li Neûre Poye » 1889, (eplaidaedje da Jean Haust di 1936), p.66 (fråze rifondowe).
   • Såcîz l' djigot savoz Bertene ki n' hatixhe !... — Joseph Mignolet, "Li vôye qui monte" (1933), p.3 (fråze rifondowe).
3. po aprinde ene novele.
   • Inri serè cial torade savoz … — Joseph Mignolet, "Li vôye qui monte" (1933), p.38 (fråze rifondowe).
4. po advierti ene sakî, disfinde ene sacwè.
   • Ni m' aduzez nén, savoz ! — Motî Haust, a "aduzer" (fråze rifondowe).
   • LIZA. -Ni vnoz nén co avou tos vos flairants sacwès so m' prôpe tåve, savoz !
     DJÅKE. -Flairants sacwès ? C' est des betchêyes, des viers, do froumadje, del påsse, do sonk… — Joseph Mignolet, "Milionêre !" (1934), p.3-4 (fråze rifondowe).
5. po diner on consey.
   • BODSON. Vos vs poloz bén moussî dobe so dobe, savoz, la. Li bijhe coixhe come ene låme di raezoe. HAMÅL. N’ åye nole sogne, dj’ a-st ene plate e m’ dobleure. — Joseph Mignolet, « Al Bèle Fontinne », comèdèye di treûs akes, 1924, p.24 (fråze rifondowe).
6. (dins èn arinnoe) (metou divant on no) sieve a arinner ene djin.
   • Bondjoû, savoz, les omes — Motî Gilliard (fråze rifondowe).
   • Årvey, savoz madame, et poirtez vs todi bén. — Joseph Vrindts, « Li pope d'Anvers » (1896), p.29 (fråze rifondowe).
   • C’ e-st ene sacwè ki m’ a toumé deur, savoz Janete ? — Henri Simon, « Janète » 1911, (eplaidaedje da Jean Haust di 1936), p.137 (fråze rifondowe).
   • Ni fjhoz nén atincion, savoz mamjhele, totafwait est si ctapé... — Joseph Mignolet, "Li vôye qui monte" (1933), p.9 (fråze rifondowe).

Sinonimeye

• edon? / endon?
• dowê? / dowô?
• nonna?
• hin?

Ratournaedjes

mot-arinnoe

• Francès : n’est-ce pas ^(fr), savez-vous ^(fr) (Walonreye, puvite a Lidje), vous savez ^(fr) (Beldjike)

Waitîz eto

Lijhoz l’ årtike arinnoe so Wikipedia