mossea

Loukîz a : Mossea

Walon (Rifondou)

Etimolodjeye

Bodje tîxhon « mos » (lu-minme vinant d’ on bodje pregayel mostrant l’ crouweur, k' a dné Mouze, Moxhe, evnd) (minme sinse); avou l’ cawete « -ea ».

Prononçaedje

AFE :
- diferins prononçaedjes : /mɔ.ˈsja/ /mɔ.ˈsɛː/ /mo.ˈsɛ/ (betchfessî ea)
- prononçaedje zero-cnoxheu : /mɔ.ˈsja/
Ricepeures : mos·sea

Plante

Sustantif

singulî	pluriyal
mossea	mosseas

mossea omrin

(plante) pitite plante foirt simpe, sins foyes, ki vént voltî so les rotches, les åbes et tot la k' i fwait crou et k' gn a del loumire.
- Les mosleus erént mwais après zels, ca is contént k' i lzî purdént leu bon mossea — Lucyin Mahin.
- Les rotches si gåyotént d' mosseas — Albert Lovegnée (fråze rifondowe).
- L' aiwe tchaftêye tot doûçmint din s s' corote, et letchî les mosseas des cayôs — Henry Matterne (fråze rifondowe).
- Li solia vint d’ mète si bonèt
  Il a soflé l’ flame di s’ quinquèt
  Pa d’zos s’ coûrtèpwinte di mossès
  I va dwârmu au fond dès bwès
  — w:Émile Bothy.
- Ses fniesses a colebales,
  N' ont k' des bokets d' cwåreas,
  Et s' rowe, vete di mossea,
  Dimeure todi mouwale— Joseph Mignolet, "Fleûrs di prétins", p.82 (1929), "Li molin dè vî Stiène" (1925) (fråze rifondowe).
- Qwand on s’pormône avå trîhes èt bwès èt qu’il atome qu’on veûsse, so ine åbe, ine niyèye di fènèsse ou d’mossê— Joseph Minet, "Les oujheas di nosse payis", p. 19.
- A ! Come i dvént halcrosse li pôve pitit poncea
  Ki rloye les êrives do rew et k' hosse e mantche,
  La k' ses langowès coxhes et kékès viyès plantches
  Sont divnowes viermouyeuses do mossea
  — Louis Lagauche, "L' inmant" (1947), p. 75 (fråze rifondowe).
- Des ôtes schoyèt dedja leus foyes,
  Sol vert mossea ki, d’ ses tramayes,
  Abrite meye moxhetes ki djouplèt …
  — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).