miråcoleye

Walon (Rifondou)

Etimolodjeye

Parint avou vî lingaedje d’ oyi «merencolie» (minme sinse), lu-minme on noûmot foirdjî do bodje vî grek «μελαγχολία» ‎(melankholía, estance k' on a del noere bîle), avou on ridaedje L/R, adon parint avou l' francès « mélancolie ». Li grek -αγχ- a dné e walon -anc-, poy -åc-.

Prononçaedje

AFE :
- diferins prononçaedjes : /mi.ʀɔː.kɔ.ˈlɛj/ /me.ʀaː.kɔ.ˈlɛj/ /mi.ʀã.kɔ.ˈliːj/
- prononçaedje zero-cnoxheu : /mi.ʀɔː.kɔ.ˈlɛj/
Ricepeures : mi·rå·co·leye

Sustantif

miråcoleye femrin todi singulî

estance d’ onk k’ end a pezant, k' a des zwatès pinsêyes.
- Po sognî nosse miråcoleye, T' as hapé l' peket do curé. — Jacques Lefebvre (fråze rifondowe).
- Pire fijheut passer l’ miråcoleye avou ses djoyeus messaedjes. — Dieudonné Salme (fråze rifondowe).
- E s’ vwès plinne di miråcoleye :
  Noste aiwe wåde li brut d’ ses soglots— Joseph Vrindts, ”Vîx Lîge” (1901), p.15-16, “Li Pèheu à l’Vège” (fråze rifondowe).
- Å vraiy, avou leu-z adawiante tchantreye
  Ki vs mete e l’ åme ene doûce miråcoleye,
  Åtoû d’ lu, les sapéns lyi fjhèt-st on bea docsal
  Et d’ å lon, bén des djins, pinsant vey ene eglijhe,
  S’ ehåstèt. — Jules Claskin, « Airs di flûte et autres poèmes wallons », édition critique de Maurice Piron, 1956, « Li plope », 1923, p.33 (fråze rifondowe).
- Vola ene tchoûlåde tchanson plinne di miråcoleye k' i rprindèt tertos e keur, tot s' tinant pa les spales et s' rabressant bén foirt ; et vey soude leus låmes. — Jean-Pierre Dumont (fråze rifondowe).
- Il a l' miråcoleye do tins passé, mins s' il a l' må do payis, di s' campagne, c' est ossu d' ene campagne di dvins l' tins. — Guy Belleflamme (fråze rifondowe).
- Li houte assûne del miråcoleye. — Roger Viroux (fråze rifondowe).
- L' aiwe lyi court foû des ouys, pieles di miråcoleye. — André Gauditiaubois (fråze rifondowe).
- A, waeyén des beas djoûs, dji sins pielter deus låmes
  Plintes di miråcoleye tot loucant nos djårdéns — Louis Lagauche, "L' inmant", Esté del Sint-Mårtin, (1947), p. 90 (fråze rifondowe).

Parintaedje

miråcolieus, miråcolieuzmint

Mots vijhéns

bîle
diloujhe, disbåtchance, cafård, disnortance.

Ortografeyes

Après 1900, foû rfondou (Feller, Feller ricandjî, nén Feller) :

E rfondou walon :

miråcoleye : R10 ^(lére), R11 ^(lére)

Li mot n’ est nén dins : C1, C106, C107, R13

Ratournaedjes

sinse do mot k' est ratourné

Almand : Melancholie ^(de), Schwermut ^(de), Wehmut ^(de)
Inglès : melancholy ^(en)
Espagnol : melancolía ^(es)
Francès : mélancolie ^(fr), nostalgie ^(fr), spleen ^(fr)
Neyerlandès : melancholie ^(nl), weemoed ^(nl)