maké

Reployaedje do mot come såvadje no des dmorants d' on viyaedje, dizo l' disfondowe "makè", adonpwis, forcoridjaedje tot metant l' cawete -et dins li scrijhaedje

Walon (Rifondou)

Prononçaedje

• AFE :
  • diferins prononçaedjes : /ma.ke/ /ma.kɛ/ /ma.kiː/ (cåzu k’ deus prononçaedjes)
  • prononçaedje zero-cnoxheu : /ma.ˈke/
• Ricepeures : ma·ké

Pårticipe erirece

	singulî	pluriyal
omrin	maké	makés
femrin	makêye	makêyes

maké omrin

1. pårticipe erirece omrin do viebe del prumire troke: «maker»
   • Li plantche lyi a toumé so s' tiesse, il a stî maké do côp (Franwalicot a "assomer").
   • Il esteut si foû d' lu k' afeye, i lyi åreut bén maké so les rins. — Jean-Pierre Dumont (fråze rifondowe).
   • Ça fwait ki li djuri a shuvou li rcwestaedje di l' ameteuse et codåner l' ametou a 10.000 grivenes d' aminde po coixhe et bôrinnes. Dj' ô bén: po-z aveur maké l' ameteuse e plin vizaedje. — Lucyin Mahin, Vera (fråze rifondowe).
   • Elle ont stî makêyes d' ene coxhe k' a rdjiblé.

Addjectif

	singulî	pluriyal
omrin	maké	makés
femrin padrî	makêye	makêyes
femrin padvant	makêye	makêyès

maké omrin (come addjectif djondrece, metou padvant u padrî l’ no)

1. assoumé.
   • Maké, estourdi dins s' trô, nosse Roga a dmoré sins bodjî, sol tins ki l' poûssire achevéve di s' rapoizer. — Georges Michel (fråze rifondowe).
   • Vo l' la å dewôr; i tådje; maké pal tcholeur; stofant, k' i fwait. — Jean-François Brackman (fråze rifondowe).
   • Vo-l'-la maké ! I n' frè pus rén ouy !— Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 35 (fråze rifondowe).
2. (imådjreçmint) acsût sicolodjicmint.
   • Ça n' est nén criyî trop foirt do dire ki tot l' payis est maké après l' piete di s' lingaedje so si waire di tins. — Lorint Hendschel.
3. sbaré d' ene novele.
   • Nén dimegne passé mins l' ôte, elle a avou l' tins d' lyi aprinde al sôrteye di messe : "Dji ratind ... ". On pô maké, i l' a stou. Sbaré, strindou ossu. — Joël Thiry (fråze rifondowe).
   • Djezus esteut ashî e mitan des docteurs del Lwè, i les schoûtéve et les kessionéve. Tos les cis k' l' oyént, s' ewaerént di s' comprindmint et d' ses responses. Cwand i l' veyît, ses parints endè fourît tot makés — Jean-Marie Lecomte, Evandjîle sint Luk (ratournaedje) (fråze rifondowe).
4. biesse come onk k' on lyi a tapé so s' tiesse et k' i nnî dmeure åk.
5. come emacralé.
   • On bea djoû, on rescontere deus beas iys ki vs trawnut disk' å cour et on-z est maké po todi. — Félicien Barry (fråze rifondowe).

Sinonimeye

• (assoumé) : assoumé, acsegnî, mayé, ki voet des stoeles e plin djoû
• (acsût sicolodjicmint) : acsût
• (sbaré) : sbaré, saizi, peté, estoumaké
• (sot) : dimey-cougnî, estené
• (emacralé) : andoûlé, amidjolé, emacralé, epoûtloukî

Parintaedje

• maket
• Makés

Ortografeyes

Après 1900, foû rfondou (Feller, Feller ricandjî, nén Feller) :

• maqué, maqué : E165
• makè : C8

E rfondou walon :

• maké, makêye : R9 ^(lére), R10 ^(lére)

Ratournaedjes

assoumé

• Francès : assomé ^(fr), sonné ^(fr), étourdi ^(fr), groggy ^(fr)

acsût sicolodjicmint

• Francès : traumatisé ^(fr)

sbaré

• Francès : stupéfait ^(fr), abassourdi ^(fr)

sot

• Francès : fou ^(fr), marteau ^(fr), maillet ^(fr)

emacralé

• Francès : enivré ^(fr), envoûté ^(fr), ensorcelé ^(fr)