bosse

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Sustantif

singulî	pluriyal
bosse	bosses

bosse femrin

1. rinfelmint, plaece wice k' ene sacwè s' a solevé.
   • Vosse paltot fwait ene bosse.
   • On pazea, on tchamp, on boket d' tere tot a bosses et fosses.
   • Aplani ene bosse.
2. on rinfelmint insi sol coir, pask' on-z a yeu on côp
   • I s' a fwait ene fameuse bosse so s' front.
3. on rinfelmint insi sol dos, paski les oxheas del schene sont må metous.
   • Aveur ene bosse.
   • Froter l' bosse d' on bossou po-z awè del tchance.

Ratourneures

1. esse contin come on bossou k' a pierdou s' bosse 
2. dji n' årè nén ene bosse a m' dos avou ça 
3. toumer sol bosse (da ene sakî): ariver sins prévni
4. c' est todi so m' bosse k' on tchait: c' est todi a mi k' on fwait poirter l' dossêye
5. rôler s’ bosse: berôler (dins des mwaijhès plaeces)
   • Dji sai k' on s' towe a rôler s' bosse ;
     Mins t' a stou si lontins spani ! — Joseph Vrindts, « Pâhûles rîmês » (1897), "Li dieraine atote", p.31 (fråze rifondowe).
6. si fote ene bosse (d' ene sacwè): magnî bråmint (d' ene sacwè)
7. awè s' bosse: ratinde famile
8. i n' a ramassé ki des plåyes et des bosses: il a sovint yeu des måleurs
9. i gn a des plåyes et des bosses po tertos: on-z a tchaeke ses måleurs

Parintaedje

• bosler, boslaedje, bosleure, bossete , bossou, bossyî

Sinonimeye

• (rinfelmint) : bourlote, bouye
• (rinfelmint eyu ç' k' on-z a yeu on côp) : boursea, bouye, brogne, croufe, poke

Ortografeyes

Après 1900, foû rfondou (Feller, Feller ricandjî, nén Feller) :

• bosse : C106, C8, C9, E1, E21, E34, O0, O2, O5, S0

E rfondou walon :

• bosse : R13