rôbaleu

Walon (Rifondou)

Etimolodjeye

No d’ fijheu do viebe : « rôbaleu »

Prononçaedje

• AFE :
  • diferins prononçaedjes : /ʀoː.ba.løː/
  • prononçaedje zero-cnoxheu : /ʀõː.ba.løː/
• Ricepeures : rô·ba·leu

Sustantif

	singulî	pluriyal
omrin	rôbaleu	rôbaleus
femrin	rôbaleuse	rôbaleuses
	rôbalresse	rôbalresses

rôbaleu omrin

1. li ci (cene) ki rôbale, ki rôle totavå.
   • Cou ki vout dire passer l’ nute al campagne divins les bwès, å boird des aiwes, come les rôbaleus, les tchikeus et les sins-lodjisse. — Joseph Mignolet, "Milionêre !" (1934), p.3 (fråze rifondowe).
   • Ti, l' rôbaleu, ni rgrete nén les potes ki t' leyes divins les hôtès yebes — Léon Warnant (fråze rifondowe).
   • On-z a rnipé et tchåssî nosse rôbaleu come on milôr — Joseph Lahaye (fråze rifondowe). F. vagabond.
   • A ! Ciete, ci n' est nén lu k' åreut måy fwait l' aca !
     Il åreut dné si tchmijhe et disk' a s dierinne peme
     Å ctapé rôbaleu ki bouxhive a s' maca
     — Louis Lagauche, "L' inmant", L' etermint, (1947), p. 87 (fråze rifondowe).
2. passant, pormoenneu.
   • Arestez vs ! Rôbaleu ki passe la dzeu l' hourêye
     Sitårant s' vert mantea disk' å fond del valêye— Louis Lagauche, "L' inmant", Dinant, (1947), p. 135 (fråze rifondowe).

Sinonimeye

• baligand
• randaxheu
• rékemî
• rôleu
• tchiminåd
• trinnåd
• wålåd

Ortografeyes

Après 1900, foû rfondou (Feller, Feller ricandjî, nén Feller) :

• rôbaleû : E1, G100

E rfondou walon :

• rôbaleu : R13

Li mot n’ est nén dins : E203

Sipårdaedje do mot

w. do Levant

Ratournaedjes

rôbaleu

• Francès : vagabond ^(fr), va-nu-pieds ^(fr) mendiant ^(fr)

passant, pormoenneu

• Francès : passant ^(fr), promeneur ^(fr)