fijheu

Walon (Rifondou)

Plinne cogne	Spotcheye cogne
fijheu	fjheu

Etimolodjeye

No d’ fijheu do viebe : « fé ».

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : /fi.ˈʒø/
• Ricepeures : fi·jheu

Sustantif

	singulî	pluriyal
omrin	fijheu	fijheus
femrin	fijheuse	fijheuses
	fwaiyresse	fwaiyresses

fijheu omrin

1. sakî u sacwè ki fwait (åk), copurade:
   1. ene usteye.
      • On fjheu d’ tchenas, d’ ramons.
   2. èn ovraedje.
      • Dispu l’ tins k’ les fjheus d’ otorote fijhèt des berteles et des cinteures, sabaye comint k’ nosse payis piede co ses coulotes. — Robert Arcq (fråze rifondowe).
   3. des scrijhaedjes. Loukîz a : « oteur ».
   4. ene ouve d’ årt, on programe infôrmatike.
   5. todi l’ minme cayet, les minmes djesses.
   6. (linwince) li ci ki fwait l’ accion do viebe (li fjhaedje).
      • E rfondou walon, on a wårdé purade li cawete -eu fok pol no d’ fijheu.

Ratourneures

1. fijheu d’ waibes-pådjes: programe infôrmatike k’ on pout scrire des waibe-pådjes avou.
2. fijheu d’ imådjes : programe infôrmatike po mete des imådjes papî e l’ éndjole, et les aspougnî.
3. fijheu(se) d’ rimeas : li ci (cene) ki scrît des arimés, powete.
4. fijheu(se) d’ paskeyes: li ci (cene) ki scrît ôte tchoi k’ des rimeas.
5. fijheu(se) d’ tchansons : li ci (cene) ki fwait des tchansons (pårlaedjes et muzike)
   • Tos les grands fjheus d’ tchansons d’ Lidje estént mimbes do Cåbaret Walon.
6. fijheu(se) d’ årmonak : li ci (cene) ki fwait des årmonaks.
   • I gn a rén d’ si minteu ki les fjheus d’ årmonak (copurade si on-z anonce li tins).
7. fijheu(se) d’ programes : onk (ene) ki scrît des programes infôrmatikes.
   • C’ est lu l’ fijheu des programes e walon so Linusse.
8. fijheu(se) d’ coleurs a l’ aiwe : pondeu ki pond des coleurs a l’ aiwe.
9. fijheu(se) d’ concours : li ci (cene) ki fwait tos les concours (so les gazetes, å posse, evnd).
10. fijheu(se) d’ toûs : li ci (cene) ki fwait des toûs po-z amuzer les djins so les fôres, evnd.
    • Sol bate, i n aveut dinltins, des tchanteus et des fjheus d’ toûs.
11. fijheu(se) d’ dicåces : lomaedje politicmint comifå po « barakî ».
    • Dj’ inme co bén ndaler plaidî ene eure avou les fjheus d’ dicåce, et dji n’ les lome nén « les barakîs » — André Henin (fråze rifondowe).
12. fijheu(se) d’ imbaras : onk (ene) ki fwait des manires, des chichis, grandiveus.
13. fijheu(se) di s’ nez : li ci (cene) ki s’ vante.
14. fijheu(se) d’ cancans : onk (ene) ki canle tofer sol dos des djins.
15. fijheu(se) d’ comedeyes: onk (ene) ki fwait toltins des comedeyes divant les djins (ki boerlêye so ls ôtes).
16. fijheu(se) d’ rimeas: powete.

Sinonimeye

• fabrikeu

Ortografeyes

Divant 1900 :

• fzeur : E212 ^(lére)

Après 1900, foû rfondou (Feller, Feller ricandjî, nén Feller) :

• fieû : C1, O4
• f'zeû : O4
• fèzeû : O4
• fieu : C8
• feû : E1
• fèzeûse : O4
• fijheuse : C8

E rfondou walon :

• fijheu : R9 ^(lére), R10 ^(lére), R13
• fieu : R9 ^(lére)
• fjheu : R9 ^(lére)
• fjheuse : R9 ^(lére)
• fijheuse : R9 ^(lére)

Ratournaedjes

sakî u sacwè ki fwait (åk)

• Francès : faiseur ^(fr), celui qui fait

sakî u sacwè ki fwait ene usteye

• Francès : artisan ^(fr), fabricant ^(fr)

sakî u sacwè ki fwait èn ovraedje

• Francès : fabricant ^(fr), constructeur ^(fr)

li ci ki fwait l’ accion do viebe

• Francès : agent ^(fr)

fijheu d’ waibes-pådjes

• Francès : éditeur HTML

fijheu d’ imådjes

• Francès : programme de saisie d’image

fijheu d’ paskeyes

• Francès : prosateur ^(fr)

fijheu d’ tchansons

• Francès : chansonnier ^(fr)

fijheu d’ programes

• Francès : programmeur ^(fr), informaticien ^(fr)

fijheu d’ coleurs a l’ aiwe

• Francès : aquarelliste ^(fr)

fijheu d’ toûs

• Francès : saltimbanque ^(fr)

fijheu d’ dicåces

• Francès : forain ^(fr)

fijheu di s’ nez

• Francès : vantard ^(fr), fanfaron ^(fr), prétentieux ^(fr)

fijheu d’ comedeyes

• Francès : braillard ^(fr), scandalisateur ^(fr)

fijheu d’ rimeas

• Francès : poète ^(fr)