handele

Walon (Rifondou)

Etimolodjeye

Calcaedje di l’ almand « handel » (comiece); les sinses prumioûles, e walon, ni voeynut ki les laids costés.

Sustantif

handele femrin

1. plaece avou toplin do vindaedje di ptitès sacwès.
   • Vénrdi, dji m' pormoennéve sol handele di Sint-Foyén; i n aveut ene fanfåre avou des adjeyants ki djouwént del muzike divins les cafès ou divant les måjhones po-z aveur ene pitite gote — Michèle Guillaume (fråze rifondowe).
2. plaece k' on n' s' î trouve nén, k' est cou dzeu cou dzo.
   • Cwand dji voe l’ handele, dji comprind k’ elle ont corou evoye. — Émile Gilliard (fråze rifondowe).
   • C’ est vraiy ki m’ cour, c’ est ene handele ; ça ti rwaite ? — Josée Mathot (fråze rifondowe).
3. pa rapexhaedje d' on vî vî mot : comiece, vindaedje et atchtaedje.
4. botike.
   • Rin n'èst pus djoyeûs k' cist-ome là.
     Pusk' â réz' d'oûy o nosse Bèljike
     Lès handèles, d'après çou k' i d'ha
     S'arindj'ront turtotes an muzike. — Camille Gaspard.
5. boune afwaire.
   • Heye ! fré Mencheur, kéne handele ! — Henri Simon, "Janète" (1911), (eplaidaedje da Jean Haust di 1936), p.159 (fråze rifondowe).
   • N'a-dj' nin là fêt 'ne handèle sins parèye?!... — Camille Gaspard.
   • Mins l’Consèy’ ni tchipota wére
     Po lî r’clawer lès lèpes.
     Kinohît-is l’Amoûr, cès kwèreûs d’handèles-là?… — Joseph Mignolet, "Li tchant del croes", 1932, p. 81.
   • A Sint-Mårtén, broûlans ene tchandele,
     Divant mi, li veye si va drovi!
     Dj' a des bons bresses po tote handele,
     Do cour, i s' endè fåt siervi !— Martin Lejeune, Bultén del Societé d' Lidje, "Dj’a dîh-ût ans", tome 43, p. 143 (fråze rifondowe).
6. acoird, contrat.
   • Tén, c’ est drole ; et l’ handele avou nost oficî, adon, c’ esteut po rire ? — Joseph Mignolet, « Al Bèle Fontinne », comèdèye di treûs akes, 1924, p.47 (fråze rifondowe).

Ratourneures

1. fé handele

Parintaedje

• handler

Sinonimeye

• (sinse 2) : disdut, tribole-manaedje

Ortografeyes

Divant 1900 :

• handel : E203 ^(lére)

Après 1900, foû rfondou (Feller, Feller ricandjî, nén Feller) :

• handèle : E165

E rfondou walon :

• handele : R9 ^(lére), R10 ^(lére), R13

Ratournaedjes

plaece avou toplin des vindeus

• Francès : rue commerçante ^(fr), souk ^(fr)

plaece sins rindjmint

• Francès : remue-ménage ^(fr), désordre ^(fr)

boune afwaire

• Inglès : bargain ^(en)
• Francès : aubaine ^(fr), bonne affaire ^(fr)
• Rûsse : находка ^(ru)

acoird, contrat

• Francès : accord ^(fr), contrat ^(fr)