dire cwè

Walon (Rifondou)

Etimolodjeye

Shûte des mots : « dire » + « cwè »

Vierbire

1. prinde ene decizion.
   • O mins, dji n' vis dmande nén do dire cwè ouy, savoz !! Hi ! Hi ! Hi ! … Vos avoz co l' tins d' î tuzer !… — Paul-Henri Thomsin, ratournant "Li vî bleu" da François Walthéry & Raoul Cauvin, 2011 (fråze rifondowe).
2. fé cnoxhe a ene sakî.
   • Si vos rcandjîz come dit, ni rovyîz nén di m' dire cwè, por mi raberweter tos les fitchîs k' ont stî rcoridjîs. — Lucyin Mahin.
   • I perdèt leus djaeyes, les Romins ! So ç' tins la, pol concours, dji m' va dire cwè å çanturion— Paul-Henri Thomsin, ratournant Astérix amon lès Bèljes, 2022, p. 25 (fråze rifondowe).
3. responde.
   • Si l' pere m' åreut dmandé totès kesses, adon, dji lyi åreut motoit yeu dit cwè — Auguste Laloux (fråze rifondowe).
4. fé on sene po fé saveur ås ôtes ki c' est l' moumint.
   • Leyîz lzès vni pus près et rawårdez ki dji vs deye cwè … Alez ! — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 23 (fråze rifondowe).

Sinonimeye

prinde ene decizion

• decider

fé cnoxhe a ene sakî

• advierti
• infôrmer
• mete å corant
• toutchî on mot

Dischindance

• Francès d’ Beldjike : dire quoi

Ratournaedjes

prinde ene decizion

• Inglès : to make a decision ^(en), to take a decision ^(en)
• Francès : se décider ^(fr), prendre une décision ^(fr)
• Neyerlandès : beslissen ^(nl), een beslissing nemen ^(nl)

fé cnoxhe a ene sakî

• Inglès : to let somebody know ^(en), to let someone know ^(en), to keep somebody informed ^(en), to keep someone informed ^(en)
• Francès : dire ce qu'il en est ^(fr), faire signe ^(fr), tenir au courant ^(fr)
• Neyerlandès : iemand op de hoogte brengen ^(nl), iemand op de hoogte houden ^(nl)

responde

• Inglès : to answer ^(en)
• Francès : répondre ^(fr)
• Neyerlandès : beantwoorden ^(nl), antwoorden ^(nl)

fé on segne po fé saveur ås ôtes ki c' est l' moumint

• Francès : donner le signal ^(fr)