afûleure

Walon (Rifondou)

Etimolodjeye

Do viebe « afûler » avou l’ cawete « -eure ».

Prononçaedje

• AFE :
  • diferins prononçaedjes : /a.fyː.ˈløːʀ/ /a.fyː.ˈlɑːʀ/ /a.fyː.ˈloːʀ/
  • (pa rfrancijhaedje) /a.fy.ˈlœʁ/
  • prononçaedje zero-cnoxheu : /a.fyː.ˈløːʀ/
• Ricepeures : a·fû·leure

Sustantif

singulî	pluriyal
afûleure	afûleures

afûleure femrin

1. (mot d’ mousseure) mousmint ki waerantixh li tiesse et l' coir conte li froed.
   • L' afûleure est trop tene, l' efant tronne pa dzo — Motî Haust (fråze rifondowe).
   • Ene boune grosse chabrake, c' est l' meyeuse des afûleures — Motî Haust (fråze rifondowe).
2. (mot d’ mousseure) noret d' tiesse ki les cmeres strimént po-z aler a messe ou ås etermints.
   • « Mi bele afûleure di soye », djheut m' grand-mere — Motî Forir (fråze rifondowe).
   • Ele tinèt ene si bele posteure,
     Cwand ele ont metou leus afûleures !— "Pasquèye novèle", 1650?; dvins "10 pièces de vers sur les femmes et le mariage",Jean Haust, 1941, p.46 (fråze rifondowe).
3. (mot d’ mousseure) tolminme ké mousmint po s' waeranti do froed.
   • Li nivaye, c' est l' meyeuse des afûleures pol grin — Motî Haust (fråze rifondowe).
   • Cwand tot est fini, amour et prétins,
     Essevlis tos deus dzo l' minme afûleure;
     Ki fwait i vosse cour, vosse cour ki ratind,
     I pleure !— Martin Lejeune, "Œuvres lyriques du poète Martin Lejeune" p. 112, "Lès såhons dè coûr" (fråze rifondowe).

Parintaedje

• afûlé
• afûlaedje
• afûlmint

Mots vijhéns

mousmint ki waerantixh li tiesse et l' coir conte li froed

• pelisse

noret d' tiesse ki les cmeres strimént po-z aler a messe ou ås etermints

• mantile

Ortografeyes

Divant 1900 :

• afulâr : E177a ^(lére)
• afulorre : E212 ^(lére)
• afûleure : (1650)
• afuleur : E177a ^(lére)

Après 1900, foû rfondou (Feller, Feller ricandjî, nén Feller) :

• afûlâre : E34
• afûleûre : E1
• afûlore : E21

Ôtès ortografeyes (avou des sourdants nén rkinoxhous) :

• afuleûr : — Martin Lejeune.

Sipårdaedje do mot

w. do Levant

Ratournaedjes

mousmint ki waerantixh li tiesse et l' coir conte li froed

• Francès : affublement ^(fr) vêtement qui protège du froid la tête et le corps

noret d' tiesse ki les cmeres strimént po-z aler a messe ou ås etermints

• Francès : faille ^(fr), grand voile que les femmes portent sur la tête et les épaules pour se rendre aux messes de morts et aux enterrements

tolminme ké mousmint po s' waeranti do froed

• Francès : protection, toute couverture qui sert à protéger contre les intempéries