sins l’ voleur

Walon (Rifondou)

Etimolodjeye

Shûte des mots : « sins » + « l’ » + « voleur », lu-minme calcaedje do francès « sans le vouloir ».

Advierbire

sins l’ voleur

1. tot n' fjhant nén ene sacwè sorlon s' volté.
   • Dji so subitin, mi ptit kerton,
     C' est veur, dji m' a måvlé trop vite ;
     Et sins l’ voleur, dj' a håssî l' ton…
     Ç' n' est rén, fré, nos frans påye et cwite ! — Martin Lejeune, “ Œuvres lyriques du poète Martin Lejeune” p.161, « Coûr du pére » (fråze rifondowe).
   • Cisse pinsêye la m’ aveut tot disrotiné ;
     Ossu, l’ cour m’ anoya di n’ trover nou ricfwert,
     Si m’ vina t i so l’ åme tant d’ anoymint
     Ki dj’ raprepia m’ djîsse sins l’ voleur. — Jules Claskin, « Airs di flûte et autres poèmes wallons », édition critique de Maurice Piron, 1956, « Anôy’mint », 1925, p.40 (fråze rifondowe).
   • Adon, atot léjhant li gazete, dji comprinda k' dj' aveu-st atoumé dins l' afwaire sins l’ voleur. — Paul-Henri Thomsin, ratournant Maigret èt l’danseûse d’å Gai-Moulin, 1994, p. 26 (fråze rifondowe).
2. tot fjhant ene sacwè sins l' sepi.
   • Ele a yeu tant des måleurs
     Sol corant d' l' anêye ki finixh
     Ki mågré leye-minme ele mådixh
     Li båshele ki vna, sins l’ voleur,
     Måsegnî l' corant di si anêye. — Joseph Vrindts, « Pâhûles rîmês » (1897), "Li novel an", p.18 (fråze rifondowe).

Mots vijhéns

• al foice

Ratournaedjes

tot n' fjhant nén ene sacwè sorlon s' volté

• Francès : sans le vouloir ^(fr), contre son gré ^(fr), malgré soi ^(fr)

tot fjhant ene sacwè sins l' sepi

• Francès : sans le vouloir ^(fr), inconsciemment ^(fr), par mégarde ^(fr)