si houwer

Walon (Rifondou)

si houwer

ès houwer

s’ houwer

Li rfondaedje di ç’ mot cial est co so balance. Fåt i scrire « si houwer » u « schiwer », « schuwer », « schouwer » ? (vey cial)

Etimolodjeye

Aplacaedje prono « si » + viebe «houwer»

Viebe

si houwer (viebe å prono muroetrece)

1. (v. sins coplemint) endaler po n' nén esse må prins.
   • Atincion, cwand l' afwaire toûnrè må, i s' houwrè — Motî del Hesbaye (fråze rifondowe).
2. (v. å coplemint nén direk) si bouter erî di (ene ehalante djin, ene laide sacwè).
   • Dji m' howe di lu cwand djel voe.
   • Houwez vs di totes ces djins la.
   • Li blanke leuve est si près d' lu k' ele li pôreut cåzu aduzer, mins ele prind plaijhi a s' houwer d' lu pus lon, todi pus lon — Jean-Marie Warnier (fråze rifondowe).
   • Et vos k' est si foirt dimandé, K' on n' profite nén di vos bontés. Houwez vs des omes politikes I vs frént tourner a bourike — François Nyns (fråze rifondowe).
   • Des bisbisses, i s' endè howe Elzî dene on bon côp d' cawe — François Nyns (fråze rifondowe).
3. (v. å coplemint nén direk) èn si nén rtourner di.
   • Dispaitche tu di dschinde e fond di m' cåve, et rimplixh on panî d' mes crotêyès botayes; tot l' resse, on s' endè howe: k' i plouye, k' i djale, k' on neye — Marcel Hicter (fråze rifondowe). (ratournant Horace)

Mots d’ aplacaedje

• si houwer evoye

Sinonimeye

• (si bouter lon di) : aveur wåde di
• (èn si nén rtourner di): n' awè d' keure di

Ratournaedjes

endaler po n' nén atraper

• Almand : sich ausweichen ^(de)
• Inglès : to sidestep ^(en), to strafe ^(en)
• Espagnol : esquivarse ^(es)
• Francès : s’esquiver ^(fr), se défiler ^(fr), se débiner ^(fr), fuir ^(fr), se dérober ^(fr)
• Neyerlandès : zich ontwijken ^(nl)

si bouter lon (di)

• Francès : s’éloigner ^(fr) de, s’écarter ^(fr) de, se garder ^(fr) de